🔴 ඔයාට තාමත් ඔයාගේ විවාහ ජීවිතය ගොඩනඟා ගන්න අවශ්‍යයි නම් විතරක් මේ ලිපිය කියවන්න..!

ඔයා හිතාගෙන හිටපු දේවල් ටික පැත්තකට දාලා.මේ දේ සායනික මනෝවිද්‍යාවට අනුව ඔයාට පැහැදිලි කරළා දෙන්නම්.

මේ දේ break up එකකින් පටන් ගන්නෙ නෑ.

🌑 මේ දේ පටන් ගන්නෙ ඇත්තටම කිව්වොත්  නිහඬව

මුලදි ඔයාලා දෙන්නා කතා බහ කළා.

🗣️ ඔයා විස්තර කළා

🤝 ඔයා තේරුම් ගන්න උත්සාහ කළා

💭 වෙනස් වෙයි කියලා බලාපොරොත්තු වුණා

ඒත් කාලය ගත වෙද්දි නැවත නැවත ඒ දේම සිද්ධ වුණා.

🚫 ඔයා කියන දේ අහන්නේ නෑ

🧱 ඔයාගේ හැඟීම් මඟ හරිනවා

⚠️ චිත්තවේගීය ආරක්ෂාව දැනෙන්නේ නෑ

එක දෙයක් වෙනස් වෙන්න පටන් ගන්නවා.

ඔයාගේ මොළේ ඇතුළේ model එකක් යාවත්කාලින  වෙනවා:

🧠 “මේක කවදාවත්ම  වෙනස් වෙන්නෙ නෑ…”

එතනින් පස්සේ සම්බන්ධතාවය බිඳෙන්නේ නෑ.

🔄 ඒක වෙනස් වෙලා නැවත හැඩගස්ස ගන්නවා.

Attachment Theory එක අනුව:

චිත්තවේගීය  අවශ්‍යතා නැවත නැවතම ඉටු නොවුණාම...

🛑 ඒ system එක තවදුරටත් උත්සාහ කරන්නේ නෑ

🛡️ ඒකෙන් තමාවම ආරක්ෂා කරගන පටන් ගන්නවා

ඒකෙන් පස්සේ මොනවාද වෙනස් වෙන්නේ?

📉 සන්නිවේදනය  දැන් වැඩකට අවශ්‍ය දේවල් වලට විතරක් සීමා වෙනවා. හැඟීම් අතුරුදහන් වෙනවා

🔇 කතාබහ කෙටි වෙනවා.මතුපිට මට්ටමින් කරන දේවල් විතරක් ඉතිරි වෙනවා

🔐 ඇත්තටම වැදගත් දේවල් කියන එක ඔයා නවත්තනවා

ඒ ඔයා care කරන්නේ නැති නිසා නෙවෙයි. ඔයාට විවෘතව හැඟීම් පෙන්වන්න තරම් ආරක්ෂාකාරී හැඟීමක් දැනෙන්නේ නැති නිසා තමා එහෙම වෙන්නේ.මෙහෙම වෙද්දි තමා චිත්තවේගීයව අත් හැරලා දාන්න  පටන් ගන්නේ.

ඊළඟට එන අධියරේදි

📭 හැඟීම් බෙදාගන්න එක අඩු වෙලා යනවා

🚷 විවෘතව තමන්ව පෙන්වන  එක අතුරුදහන් වෙනවා

🧊 ශාරීරික සමීපතාවයත් දුරස් වගේ දැනෙන්න පටන් ගන්නවා

එකපාරට නෙවෙයි.

⏳ ටික ටික දුරස් වෙනවා

🌫️ මුකුත්ම කතා නොකර නිහඬව වෙනවා

👀 හුඟාක් වෙලාවට කවුරුවත්ම හොඳින් දකින්නෙවත් නැතිව

මෙතනට එද්දී… වැදගත් දෙයක් වෙනවා:

🔹📉 බලාපොරොත්තු ටික ටික අතුරුදහන් වෙන්න පටන් ගන්නවා

🔹ඒ බලාපොරොත්තු නැති වුණාම

 ඒකට එකටම බැඳිලා තිබ්බ චිත්තවේගීය ආයෝජනය අතුරුදහන් වෙනවා.

මේක තමයි බොහෝ දෙනා තත්ත්වය වැරදි විදිහට තේරුම් ගන්න තැන.

ඒ අය හිතනවා:

🙂 “අඩුම තරමින් දැන්වත් අපි රණ්ඩු වෙන්නේ නෑ”

ඒත් සායනික මනෝවිද්‍යාවට අනුව බැලුවොත්;

❗ රණ්ඩු නැති වෙනවා කියන්නේ ස්ථාවරයක් නෙවෙයි

⚠️ ගොඩාක් වෙලාවට ඒක ඇත්තටම චිත්තවේගීය සම්බන්ධතාවයෙන් දුරස් වීමක්

John Gottmanගේ research අනුව:

📊 සම්බන්ධයක් බිඳෙන්නේ වැඩිපුරම රණ්ඩු නිසා නෙවෙයි.චිත්තවේගීයව පලා යාම් සිද්ධ වෙන නිසාවෙනි.

දැන් සම්බන්ධය ඇතුල් වෙන්නේ ඉතාමත් අනතුරුදායක අධියරකට

⚫ නිහඬ අවධිය (silent phase)

මෙතනදී නැත්තේ:

💥 ලොකු ලොකු රණ්ඩු

🌩️ drama පිරුණු ආතතියක්

🚧 පැහැදිලිව සම්බන්ධතාවය බිඳ වැටෙන්න  තැනක්

ඒ වෙනුවට තියෙන්නේ:

📵 කතා අඩු වෙනවා

📦 බෙදාගන්න දේවල් අඩු වෙනවා

🪫 චිත්තවේගීයව මේ මොහතේ ඉන්න එක අඩු වෙනවා

මෙතන තමයි ගොඩාක් දෙනා ගැඹුරුම අවදානම මඟහැර ගන්න තැන

🧠 මේක සම්බන්ධයට විතරක් සීමා වෙන්නේ නෑ

⚡ ටික ටික ඔයාගේ මනසටම බලපාන්න පටන් ගන්නවා

🧠 “ඔයා මේක handle කරන්න ඉගෙනගෙන තියෙනවා.ඒත් ප්‍රශ්නය තියෙන්නේ ඒක ඊට වඩා නරක මට්ටමකට අරගෙන යනවා Healthy Coping Mechanism එකක් නැත්නම්.

පිටින් බලනකොට:

🧍 ඔයා සන්සුන් වගේ ඉන්නවා

🤐 රණ්ඩු වලින් පැනලා යනවා

🎭 හැමදේම පාලනය කරගෙන ඉන්නවා වගේ පේනවා

ඒත් ඔයා මනස ඇතුළෙන්?

🔁 ඔයා වැඩිපුරම කරන්නේ ඕනෑවට වඩා හිතන එක

😓 හැඟීම්වලින්ම හිස් වෙලා වගේ, මානසිකව හෙම්බත් වෙලා වගේ දැනෙනවා

❓ හැම වෙලාවෙම “මොනවාහරි ඉවර වුණේ නෑ” වගේ feeling එකක් දැනෙනවා

ඒකට හේතුව ඔයා heal වෙන්නේ නෑ.

🔄 ඔයා ඇත්තටම කරන්නේ හැඩ ගැහෙන එක

හැඟීම් පෙන්වනවා වෙනුවට:

🧊 ඔයා හැඟීම් යටපත් කරගන්නවා

🚪ඔයා හැඟීම් මඟහැරලා ඉවත් වෙලා යනවා 

🧍‍♂️ ඔයා චිත්තවේගීයව  සම්බන්ධතාවයෙන් වෙන් වෙලා යනවා 💔

මේක හඳුන්වන්නේ Experiential Avoidance කියලා.

🔹ඔයා අසහනය අඩු කරගන්න උත්සාහ කරන්නේ:

🙊 ඒ ගැන කතා නොකර ඉඳල

🫥 ඒ හැඟීම සම්පූර්ණයෙන්ම දැනෙන්න නොදී ඉඳලා

↩️ ඒකට මුහුණ නොදී ඉඳලා

පොඩි කාලයකට මේක වැඩ කරනවා.

ඒත් දීර්ඝකාලීනව ඒ ආතතිය ඔයාගේ මනස ඇතුළේම රැඳිලා තියෙනවා.

🧠 මෙක Anxiety බවට පත් වෙන විධිය

ඔයාගේ මොළේ තාමත් ප්‍රශ්න කරනවා:

❓ “මම මෙතන ඉන්න එක ආරක්ෂිතයිද?”

❓ “මේ සම්බන්ධයේ මට විශ්වාස කරලා ඉන්න පුළුවන්ද?”

ඒකට උත්තර නැති නිසා ඔයාගේ මනස “alert mode” එකේම තියෙනවා.

මේ විධියට  Generalized Anxiety Disorder වගේ හැසිරීම් රටාවක් ගොඩ නැඟෙන්න පටන් ගන්න විධිය :

🔍 වැඩිපුරම කරන්නේ overthinking කරන එක

📡 හැමදේම scan කරමින් ඉන්න එක (mental scanning)

🌙 කිසිම විධියකට සැහැල්ලුවෙන් ඉන්න බැරි වෙනවා

ඔයා පේන්නේ stable වගේ.

🙂 ඒත් ඔයාගේ nervous system එක එහෙම නෙවෙයි

🧠 මේක Emotional Exhaustion බවට පත් වෙන විධිය

නැවත නැවත උත්සාහ කළාට ප්‍රතිඵලයක් ලැබෙන්නෙත් නැතිවුණාට පස්සේ ඔයාගේ මොළේ ඉගෙන ගන්නවා:

🧠 “මං කරන කිසිම දෙයකින් මේක වෙනස් වෙන්නෙ නෑ”

මේක හඳුන්වන්නේ  Learned Helplessness කියලා.

ඒකෙන් පස්සේ සිද්ධ වෙන ප්‍රතිවිපාක:

🌫️ හැඟීම් මුකුත්ම දැනෙන්නේ නෑ වගේ මට්ටමකට එනවා

📉 අභිප්රේරණය  අඩු වෙනවා

🧍‍♀️ ඔයාගේ සහකාරියගෙන්/සහකරුවාගෙන් වගේම ඔයා ඔයාගෙන්මත් දුරස් වෙන්න පටන් ගන්නවා 💔

ඔයා දැන් ප්‍රතිචාර දක්වන්නෙත් නැහැ.

❌ ඔයා ශක්‍තිමත්  නිසා නෙවෙයි

😔 ඔයා හොඳටම තෙහෙට්ටු වෙලා ඉන්න නිසා

💊 “මට හොඳයි වගේ දැනෙනවා ඒත් ඇත්තටම මේ පීඩාවෙන් නිදහස් නෑ කියලා දැනෙන්නේ ඇයි?”

ඔයා උත්සාහ කරලා ඇති:

📵 ඒක වේදනාව මඟ හැරලා ඉන්න

🏃 තව තව කාර්‍ර්යබහුල වෙලා ඉන්න

💊 ඖෂධ (medication) පවා ගන්න

🙂 මේ දේවල් කළාම සමහර වෙලාවට ඔයාට හොඳයි වගේ දැනෙනවා.ඒත් සම්පූර්ණයෙන්ම කිසිම විධියකට සුවපත් වෙන්නෙ නෑ.

💊 ඖෂධ උදව් වෙන්නේ මේ දේවල් නියාමනය  කරගන්න:

⚖️ මනෝභාවය (mood)

🌡️ කනස්සල්ල / anxiety

🌊 හැඟීම්වල තීව්‍රතාවය

ඒත් ඒක නිසා මේ දේවල් වෙනස් වෙන්නෙ නෑ:

🔁 සම්බන්ධයේ චර්යා රටාව

🧊 චිත්තවේගීය දුරස්ථභාවය

🧠 ඔයාගේ reaction drive කරන attachment system එක

ඒ නිසා මේ විධියට සිද්ධ වෙනවා👇

📉 symptoms ටික අඩු වෙනවා

⚠️ ඒත් trigger වෙන දේවල් තාම තියෙනවා

ඒකයි ගොඩාක් දෙනාට දැනෙන්නේ:

🤔 “හොඳයි වගේ… ඒත් එහෙම වුණාට ප්‍රශ්න ටික ආයෙත් ආයෙත් එනවා”

🧠 ඇත්තටම ප්‍රතිඵල දෙන පර්යේෂණාත්මකව තහවුරු කරපු උපායමාර්ග 

ඇත්තටම වෙනස්වීමක් වෙන්න ඕන නම් ප්‍රශ්නය මඟහැරලා ගිහින් වැඩක් වෙන්නේ නෑ.

 ඒකට වෙනස් විධියකට ප්‍රතිචාර දක්වන හැටි ඉගෙන ගන්න අවශ්‍යය වෙනවා.

👉 මේ වගේ ක්‍රම භාවිතා කරන්න අවශ්‍යය වෙනවා :

👉 Cognitive Behavioral Therapy

🧩 ඍණාත්මක සිතිවිලි රට හඳුනාගන්න වැදගත් වෙනවා

🔄 “මේක කවදාවත්ම  වෙනස් වෙන්නෙ නෑ” කියන විශ්වාසයන් අභියෝගයට ලක් කරනවා

🧠 overthinking cycle එක බිඳලා දාන්න උදව් වෙනවා

👉 Emotionally Focused Therapy

❤️ ඔයාගේ හැඟීම් trigger වෙන හේතු තේරුම් ගන්න පුළුවන් වෙනවා.

🗨️ දෝෂාරෝපණ කරන්නේ නැතුව විවෘතව හැඟීම් ප්‍රකාශ කරන්න ඉගෙන ගන්නවා

🔗 ආයෙමත් චිත්තවේගීය ආරක්ෂිතභාවය ගොඩනඟා ගන්නවා

 👉 Acceptance and Commitment Therapy

🧘 overthink කරනවා වෙනුවට මේ මොහතේ ඉන්න ඉගෙන ගන්නවා

🎯 භය අනුව නෙවෙයි. ඔයාගේ වටිනාකම් අනුව ක්‍රියාත්මක වෙන්න ඉගෙන ගන්නවා

🌱 හැඟීම් මඟහැරගන්නේ නැතුව ඒවා පිළිගන්න ඉගෙන ගන්නවා

මේ නිකන්ම නිකං “කතා කරන විධි” නෙවෙයි.

⚙️ මේ ඔයාගේ චිත්තවේගීය පද්ධතිය නැවත ගොඩනඟා ගන්න පුහුණු කරන පියවරෙන් පියවර ගොඩ නඟපු ක්‍රම

⚠️ ගොඩාක් දෙනා මඟහැරලා දාන ඇත්ත

⏳ ඔයාට මේ තත්ත්වය අවුරුදු ගාණක් වුණත් පාලනය කරගෙන යන්න පුළුවන් ඒත් යටින් තියෙන මුල් හැසිරීම් රටාව  වෙනස් නොවුණොත් වෙන දේ ගැන ඔයා දන්නවාද?

📉 ටික ටික ඒක ඔයාගේ සම්බන්ධයට වගේම ඔයාගේ මානසික සෞඛ්‍යයටත් බලපානවා

මේක දුර්වලතාවයක් නෙවෙයි. මේ ඔයාගේ system එක විසඳලා නැති දෙයකට හැඩගැහෙන විධියක ඒත් ඒක විසඳුමක් නැති හැඩගැහීමක්.

💸 හැම වෙලාවෙම මනසට හානි වෙන දෙයක් කළාම ඒකට ගෙවන්න වෙන වන්දියක් තියෙනවා.ඔයාට මේ චර්යා රටාව හඳුනාගන්න පුළුවන් නම් මනස සුවපත් කරගන්න තවම අවස්ථාව තියෙනවා.

⏰ ඒත් ඒ අවස්ථාව හැමදාම තියෙන එකක් නෙවෙයි 💔

ඔයා ක්‍රියාත්මක වෙන්න පරක්කු වුණොත් ඔයාගේ ජීවිතය නතර වෙන්නේ ඔයා හීනෙකින්වත් බලාපොරොත්තු වෙන්නේ නැති ඛේදවාචකයක.

💬 ඔයාට ඔයාගේ විවාහ ජීවිතය ආදරණීයව ගොඩනඟා ගන්න එක ප්‍රමුඛතාවයක් පමණක් නම් “RESET” කියලා Whatsapp message එකක් යොමු කරළා සැසියකට සම්බන්ධ වෙන්න අවස්ථාව තියෙනවා.

මිනිස්සු ජීවිතයේ පසුතැවිලි වෙන්නේ කරපු දේවල් වලට වඩා ජීවිතයේ කරන්න පුළුවන්කම තියෙනකොටත් උත්සාහ නොකර හිටපු දේවල් ගැන විතරයි.ඔයාට ඉන්න ඕන කොතනද කියන එක මගේ නෙවෙයි.ඒක ඔයාගේ තෝරාගැනීමක්.

ඔෂාන් බමුණු ආරච්චි

Higher Diploma in Counseling Psychology

 💔 Situationship: "අපි අතරේ මොකක්ද තියෙන්නේ?" කියලා ඔයා තවමත් හිතනවා නම්...

"අපි Just Friends ලු, හැබැයි ආදරේ කරනවා, ලිංගිකව එකතු වෙනවා, පෙම්වතුන් වගේම හැසිරෙනවා. ඒත් සම්බන්ධතාවයකට (Relationship) යන්න එයාට බෑලු!"

ලංකාවේ අලුත් පරපුර අතර මේක දැන් "Trend" එකක් වෙලා. මේකට කියන්නේ Situationship එකක් කියලා. මේක සාමාන්‍ය Relationship එකකට වඩා ගොඩක් භයානකයි. මොකද මේකේ වගකීමක් (Commitment) නැහැ, හැබැයි ඒ නිසා ලැබෙන වේදනාව (Pain) උපරිමයි.

🧠 ඇයි Situationship එකක් මානසිකව පීඩාකාරී වෙන්නේ?

 The Uncertainty Loop (අස්ථාවර බව): මිනිස් මොළය හැමවිටම කැමති පැහැදිලි දේවල්වලට. හෙට මොනවා වෙයිද කියලා දන්නේ නැති මේ ව්‍යාකූල බැඳීම නිසා ඔයාගේ මනස නිතරම පවතින්නේ අධික ආතති (Stress) මට්ටමකයි.

The "Hope" Trap: "අද නැතත් කවදා හරි එයා මාව තේරුම් අරන් වගකීමක් ගනීවි" කියන බොරු බලාපොරොත්තුව නිසා ඔයාගේ වටිනා කාලය සහ මානසික ශක්තිය නිකරුණේ දිය වෙලා යනවා.

 Anxiety & Overthinking: එයා මැසේජ් එකක් නොකර ඉද්දී හෝ වෙනත් කෙනෙක් එක්ක ඉද්දී ඒ ගැන ප්‍රශ්න කරන්න ඔයාට අයිතියක් නැහැ. මොකද ඔයාලා "Official" නැහැ. මේක ඔයාගේ ආත්ම අභිමානය (Self-esteem) සම්පූර්ණයෙන්ම විනාශ කරනවා.

 Cognitive Dissonance: එක පැත්තකින් එයා ඔයාට ආදරේ පෙන්වනවා, අනිත් පැත්තෙන් වගකීමක් ගන්න බැහැ කියනවා. මේ පරස්පරතාවය නිසා ඔයාගේ මනස අනාගතය ගැන ලොකු බයකින් සහ සැකයකින් පිරී යනවා.

🛑 ඇයි මිනිස්සු මේවට කැමති?

සරලවම කිව්වොත්, අනෙක් පාර්ශවයට ඕන වෙන්නේ බැඳීමක තියෙන "වගකීම" ගන්නේ නැතුව, ඒකෙන් ලැබෙන "වාසි" (Attention, Physical intimacy) විතරක් ලබාගන්නයි.

"මේක හරියට Subscription එකක් නැතුව Premium Features පාවිච්චි කරනවා වගේ වැඩක්!"🤭

✅ මේ මාවතෙන් ගැලවෙන්නේ කොහොමද?

 1. DTR (Define The Relationship): බය නැතුව කෙලින්ම අහන්න "අපි අතරේ තියෙන සම්බන්ධය මොකක්ද?" කියලා. එයා ඒකට පැහැදිලි උත්තරයක් දෙන්නේ නැත්නම්, එතනින් එහාට ඔයාගේ කාලය නාස්ති කරන්න එපා.

 2. ප්‍රමුඛතාවය ඔයාට දෙන්න: ඔයා තව කෙනෙක්ගේ "Option" එකක් වෙන්න එපා. ඔයාට ඕනේ ස්ථාවර බැඳීමක් නම්, ඒක දෙන්න බැරි කෙනෙක් ළඟ නැවතී ඉන්න එපා.

 3. Self-Respect over Feelings: ඔයාගේ හැඟීම්වලට වඩා ඔයාගේ "ගෞරවය" ගැන හිතන්න. ජීවිතය ගැන වගකීමක් ගන්න බැරි කෙනෙක් එක්ක ඔයාට හෙටක් නැති බව තේරුම් ගන්න.

 4. වෘත්තීය උපදේශනය (Counseling): ඔයාට තනියම මේකෙන් මිදෙන්න අමාරුයි නම්, දක්ෂ මනෝ උපදේශකයෙකුගේ සහය ලබාගන්න. ඒක දුර්වලකමක් නෙවෙයි, බුද්ධිමත් තීරණයක්.

🌻 අවසාන වශයෙන්...

ලංකාව වගේ රටක අපි හැමෝම සම්බන්ධතාවයකින් බලාපොරොත්තු වෙන්නේ ආදරය විතරක් නෙවෙයි, ආරක්ෂාව සහ ස්ථාවරත්වයයි. මුලින් දෙන්නම කැමැත්තෙන් පටන් ගත්තත්, කාලයත් එක්ක එක්කෙනෙක් හරි "සැබෑ ආදරයක්" බලාපොරොත්තු වෙනවා. එතන ඉඳන් මේක මානසික නිරයක් බවට පත් වෙනවා.

වගකීමක් නැති තැන ආදරයක් තිබිය හැකියි, නමුත් විශ්වාසයක් සහ ස්ථාවරත්වයක් නැති තැන මනසට සැනසීමක් නැත.✨

ඒ නිසා ඔයා කෙල්ලෙක් වුණත්, කොල්ලෙක් වුණත් "වචනවලින් අයිසින් කරලා" එන මේ මිරිඟු පස්සේ ගිහින් ඔයාගේ ජීවිතේ හොඳම කාලය අඳුරු අගාධයකට දාගන්න එපා. ❤️✌️

💬 ඔයත් මේ වගේ Situationship එකක හිරවෙලා ඉන්නවද? නැත්නම් ඒකෙන් ගැලවුණු කෙනෙක්ද? ඔයාගේ අත්දැකීම පහළින් Comment කරන්න. තවත් කෙනෙක්ට මේක දකින්න Share කරන්න.

#MentalHealth #Situationship #SelfLove #Relationships #SriLanka #LifeAdvice

- Noofia’s Diary - ✍️

 ආදරය පාරිශුද්ධයි, ඒකට රාගය ඕනේ නෑ කියන කතාව අහන්න ලස්සන වුණාට, ඒක ප්‍රායෝගිකව පට්ටපල් බොරුවක්. රාගය නැති ආදරය හරියට එන්ජිමක් නැති වාහනයක් වගෙයි. පෙනුමට තිබුණාට ඒක ඉස්සරහට යන්නේ නෑ. ලිංගිකත්වය කියන්නේ ආදරේට අත්‍යවශ්‍යම සාධකයක් මිසක්, විවාහයෙන් පස්සේ විතරක් ලැබිය යුතු "සම්මතයක්" නෙවෙයි.  එහෙම බැලුවොත් ලංකාවේ කාන්තාවන්ගෙන් 90%ක් තමන්ගේ ජීවිත කාලයටම එකම එක වතාවක්වත් සුරාන්තයක් (Orgasm) අත්විඳලා නැති එක මහා ඛේදවාචකයක්. පිරිමියා තමන්ගේ අවශ්‍යතාවය ඉටු කරගෙන "සරමේ පිහදාගෙන" ඇඳෙන් බහිද්දී, ඇය ඉතිරි වෙන්නේ අතෘප්තිමත් හැඟීමක් එක්කයි. පිරිමිකම කියන්නේ තමන් විතරක් යක්ෂයෙක් වගේ සැනසෙන එක නෙවෙයි, තමන්ගේ සහකාරියවත් ඒ සුරලොවට රැගෙන යාමයි.

ඒ වගෙම බොහෝ කාන්තාවන් විවාහයෙන් පස්සේ තමන්ගේ පෙනුම ගැන හිතන එක නතර කරනවා. පිරිසිදුකමක් නෑ, ලස්සනට අඳින්නේ නෑ, කිසිම ආකර්ෂණයක් නෑ. තමන්ගේ පැත්තෙන් ඉටු විය යුතු යුතුකම් මඟහැරලා, මනුස්සයා පිට යනවා කියලා වැලපෙන එකේ තේරුමක් නෑ. පිරිමියෙකුට නිවසේදී සාමය වගේම ආකර්ෂණයත් අවශ්‍යයි.

ස්වයං වින්දනය හෝ Phone Sex කියන්නේ අපරාධයක් නෙවෙයි, ඒක මනුෂ්‍ය ස්වභාවය. පිරිමියෙක් කරද්දී සාමාන්‍ය දෙයක් වෙන, ගැහැනියෙක් කරද්දී "බඩුවක්" වෙන මේ කුණු වුණු මානසිකත්වයෙන් අපි නිදහස් වෙන්න ඕනේ. දරුවෙකුට නිසි කාලයේදී නිවැරදි ලිංගික අධ්‍යාපනයක් දීමෙන් පමණයි ඔවුන්ට හොඳ නරක තේරුම් ගන්නා බුද්ධියක් හදන්න පුළුවන් වෙන්නේ.

කාන්තාවක් තමන්ගේ හිතේ තියෙන දුකක් කිව්වාම, ඒකෙන් ප්‍රයෝජන අරන් ඇයව ලිංගිකව පාවිච්චි කරලා, වැඩේ ඉවර වුණාම ඇයව අමාරුවේ දාන පිරිමින්ට "තිරිසන්නු" කියන වචනයත් මදි. ආදරය සහ ලිංගිකත්වය කියන්නේ ගනුදෙනුවක් නෙවෙයි, ඒක දෙන්නෙකුගේ ආත්මීය බැඳීමක් විය යුතුයි.

ආදරණීය මතක් කිරීමක් ❤️🥀

ලිංගිකත්වය කියන්නේ විඳිය යුතු කලාවක් මිසක්, විඳවිය යුතු කරුමයක් නෙවෙයි. ආදරය පාරිශුද්ධ වෙන්නේ රාගය නැති නිසා නෙවෙයි, ඒ රාගය ඇතුළේ "ගෞරවය" සහ "සහයෝගය" තියෙන නිසායි. 

සංස්කෘතියට මුවා වෙලා තමන්ගේ සහකාරියව අතෘප්තිමත් කරන පිරිමියත්, තමන්ගේ ආකර්ෂණය නැති කරගෙන ඔහේ ජීවත් වෙන ගැහැනියත් දෙන්නම කරන්නේ බැඳීමට කරන අපරාධයක්.

ආදරෙන් ජීවත් වෙන්න!✨🌺

#RemovedNote #Srilanka #SexualHealth #SexualEducation #TabooTopics #RealLifeTruths #RelationshipAdvice #MarriageIssues #Mindset #Respect #OrgasmEquality #SriLankanSociety

 (අසම්මත පෙමක පැටළුණු විවාහක කාන්තාවකගේ පාපොච්ඡාරණය...)

ගිම්හාණෙ කොයිතරම් නපුරුයිද

දැනෙන්න

සීතලක් එන්නෝන පපු මැද්දෙ

ඇණෙන්න

පඹයො ඉන්දලා තිබුණෙ සියොතුන්ට

පෙනෙන්න

උන් දන්නෙ සුළඟ එන අත බලන්

වැනෙන්න

පායද්දි, පායනව නම් අඩිය

හිඳෙන්න

වහින දා ඕනමයි ඉවුරු දෙක

බිඳෙණ්න

කළු ගලක් වුනත් පිළිමයක් ලෙස

හැදෙන්න

කටු මිටිය හසුරනවා දන්න උන්

රිදෙන්න

දැසි දස්ය, මැදුරු පායන් හැකියි

සොයන්න

හිත ඇතුල සැහැල්ලුව ඕන ඇස්

පියන්න

මේ පපුවෙ අඩියෙ උඹෙ නම කොටා

තියන්න

නුඹට බෑ තුඩ නොකැඩි පැන්සලෙන්

ලියන්න

නට නටා රත්වෙද්දි දිය, ගෙදර

බඳුණේ

නුඹ වරක් ඇහුවාද කිම මගෙන්

රිදුනේ

⁣මා අහන, මා බලන තැනක හිත

රැඳුණේ

නොවෙන්නට මම මියැදිලා ගිහින්

උඳුණේ

පුරව පුරවා ගෙවන ලොකු මුදල්

අයපත්

මොනව දන්නවද තාරුණ්‍යය ගැන

වියපත්

විලක මැද පිපී උන්නට හැඩට

සියපත්

"ඇගෙ හීන දන්නෙ...සමණල්ලු ඇති

පියපත්"

කවුද කියලා තිබුණා..පරදියි ලු

පමාව

බැරිම තැනදියි තිව්වෙ නුඹෙ නමට

කොමාව

නුඹට අයිතිය දුන්නු කථා පුවතේ

නිමාව

වැරදි මම නම් නොවෙයි, එපා මට

සමාව........

පපු කැනැති වල ඉරි ඇඳෙන්නම විඳවපු උන්ට...

ඇටමිදුළු යටටම බහින්න ආදරය දැනෙන්නයි ඕන.....❤️

By Chanaka Suranga Hewawasam 

All rights highly reserved.

 ♥️මචං... උඹ දන්නවද ලෝකේ දිනපු හැම මිනිහෙක්ම රහසින් පිළිපදින නීතියක් තියෙනවා?

ඒක සල්ලි නෙවෙයි, බලය නෙවෙයි... ඒක තමන්ගේ 'වටිනාකම' තීරණය කරන හැටි. මිනිස්සු උඹට සලකන්නේ උඹ උඹටම සලකන විදියටයි. අනුන් පස්සේ දුවලා දුවලා උඹේ හුස්ම හිරවෙලා නම්, අද මේ රහස් 18 කියවපන්. මේක උඹේ ජීවිතේ Turning Point එක කරගනින්! 👇🔥"

1.බැගෑපත් වෙන එක නවත්තපන් 🛑

ආදරය, අවධානය හරි වෙලාව හරි හිඟා කන එක අදම නවත්තපන්. උඹව හොයන්නේ නැති, උඹට මැසේජ් එකක් නොදාන උන් පස්සේ බලු කුක්කෙක් වගේ දුවන එක නැවැත්තුවම උඹේ වටිනාකම ඉබේම හැදෙනවා.

2. කට පරෙස්සම් කරගනින් 🤫

ඕනාවට වඩා කියවන්න යන්න එපා. උඹේ ප්ලෑන්, උඹේ දුක, උඹේ සතුට හැමෝටම කියන්න යන්න එපා. ටිකක් අභිරහසක් වෙයන්. කතා කරනවා අඩු මිනිහට මිනිස්සුගෙ.

3. කෙලින් හිටපන් 👊

කවුරු හරි උඹට පහත් කරලා කතා කරොත්, කැත විදියට හිනා වුණොත් එතනින් ලිස්සලා යන්න එපා. ඒ වෙලාවෙම ඒක නවත්තපන්. "මොකක්ද අවුල?" කියලා කෙලින්ම ඇස් දිහා බලලා අහපන්.

4. වැදගැම්මකට නැති තැන් මගෑරපන් 🚶‍♂️

හැමදාම උඹ විතරක් එකතු වෙන්න කතා කරනවා නම්, උන් උඹව මගාරිනවා නම්, උන්ව හොයන් යන එක නවත්තපන්. උඹට ප්‍රතිචාර නැති තැන්වල රිංගන්න උඹට පිස්සුද?

5. උඹටම වියදම් කරගනින් 💰

අනුන්ව සතුටු කරන්න උඹේ සල්ලි, උඹේ කාලය නාස්ති කරන එක නවත්තපන්. ඒ වෙනුවට උඹේ මොළේට, උඹේ පෙනුමට, උඹේ දක්ෂතාවයට ආයෝජනය කරපන්.

6. ඕපාදූප කතා කරන්න එපා 🙊

අරූට මොකද වුණේ, මූ මොකද කරන්නේ කියලා හොයන එකයි කතා කරන එකයි නවත්තපන්. අනුන්ගේ කුණු අවුස්සන එකාගේ තැන හැමදාම පල්ලෙහා.

7. වචන පිට කරන්න කලින් හිතපන් 🤔

කට ඇරියා නම් කතා කරන්නේ වටිනාකමක් තියෙන දෙයක් විතරක් වෙයන්. මිනිස්සු උඹව මනින්නේ උඹේ කටින් පිටවෙන දේවලින් 80%ක්ම කියලා මතක තියාගනින්.

8. පෙනුම හදාගනින් ✨

සවුත්තු විදියට ඉඳලා රජකම් බලාපොරොත්තු වෙන්න එපා. හැමතිස්සෙම පිළිවෙලට, පිරිසිදුවට හිටපන්. ඇඳුමට පෙනුමට තමයි ලෝකේ මුලින්ම ගරු කරන්නේ.

9. වැඩක් ඇති මිනිහෙක් වෙයන් 🎯

නිකමෙක් වෙලා ෆෝන් එක දිහා බලාගෙන ඉන්න එපා. උඹේ ටාගට් වලට වැඩ කරපන්. බිසී වෙයන්. වැඩ කරන එකාට කවුරුත් ගරු කරනවා.

10. උඹේ වෙලාව රත්තරන් ⏳

වැඩක් නැති කෝල් වලට, වැඩක් නැති චැට් වලට පැය ගණන් නාස්ති කරන්න එපා. උඹේ කාලයට උඹ ගරු කරේ නැත්නම්, වෙන කවුරු ගරු කරයිද?

11. ගෞරවයක් නැති තැනින් නැගිටපන් 🚶‍♂️

උඹට තැනක් නැති, උඹට වටිනාකමක් දෙන්නේ නැති රිලේෂන්ශිප් එකක හරි යාළුකමක හරි ඉන්නවා නම්, අදම එළියට බැහැපන්. හිත හදාගනින්.

12. උඹ වෙනුවෙන් වියදම් කරන්න පුරුදු වෙයන් 💳

කවුරු හරි ට්‍රීට් එකක් දෙනකම්, කවුරු හරි අරන් දෙනකම් බලන් ඉන්න එපා. උඹට ඕන දේ උඹේ සල්ලිවලින් අරන් පාවිච්චි කරපන්.

13. සමහර වෙලාවට අතුරුදන් වෙයන් 👻

හැමෝටම හැම වෙලාවෙම available වෙන්න එපා. හැම දේටම "හා" කියන්න එපා. ටිකක් මගෑරපන්, එතකොටයි උඹේ අඩුව උන්ට දැනෙන්නේ.

14. ලබන්නෙකුට වඩා දෙන්නෙකු වෙයන් 🤝

පිනට කන්න, පිනට බොන්න බලන් ඉන්න එපා. පුළුවන් නම් අනිත් උන්ටත් දියන්. හැබැයි එකෙක්ටවත් උඹව පාවිච්චි කරන්න ඉඩ දෙන්න එපා.

15. කතා නොකරපු තැනට යන්න එපා 🛑

උඹට ආරාධනා කරේ නැත්නම් එතනට යන්න එපා. ආරාධනා කරලත් උඹව ගණන් ගන්නේ නැත්නම් වහාම එතනින් අයින් වෙයන්.

16. උන්ට ලැබිය යුතු විදියට සලකපන් 🎭

හොඳට ඉන්න එකාට හොඳින් හිටපන්. හැබැයි කරේ යන්න එන උන්ට, උන්ගේ තරම පෙන්නපන්. හැමෝටම එක වගේ සලකන්න යන්න එපා.

17. කෝල් දෙකයි, ඊට වඩා නෑ 📱

කාට හරි කෝල් එකක් ගන්නවා නම් උත්සාහයන් දෙකයි. ආන්සර් කරේ නැත්නම් ආයේ ගන්න එපා. උන්ට උඹේ අගයක් තියෙනවා නම් උන් ආපහු කතා කරයි.

18. ෆීල්ඩ් එකේ වැඩ්ඩා වෙයන් 🔥

කරන දේ උපරිමයෙන්ම කරපන්. දක්ෂයා වෙයන්. උඹ අංක එක වුණාම, අනිත් උන් නිකම්ම උඹට සලියුට් ගහනවා.

👑💪මතක තියාගනින්:

මේක කියවලා නිකන් ඉන්න එපා. අද ඉඳන් මේ විදියට ජීවත් වෙලා බලපන්. වෙනස උඹටම තේරෙයි. 💪🔥

Credit - සුචරිත🖤😎

#vishwagihan #motivation

 High Vibration එකක් තියෙන අය කියල කියන්නෙ අමුතු පිරිසක් නෙමෙයි. ආධ්‍යාත්මය දියුණු මිනිස්සුන්ට... ආධ්‍යාත්මය දියුණු කරන් යන මිනිස්සුන්ට...

ලෝකෝත්තර මාර්ගයෙ යද්දි ඒ ඒ මට්ටම් පසු කරන් ඉහළට යද්දි ඒ අයගෙ කම්පන ශක්තීන්, මනසේ තියෙන Vibe එක ඉහළ යනවා. ඒ හේතුව නිසයි ඒ අයට High Vibration එකක් තියෙන මිනිස්සු කියල කියන්නේ... 

එයාලා හරියට Light House එකක් වගේ. එයාලා දියුණු කරගත්ත මානසික ශක්තියෙන් අනිත් මිනිස්සුන්ව දිරිගන්නනවා. Positive Thinking Patterns ලෝකෙට බෙදලා දෙනවා. ලෝකෙට සේවයක් කරනවා.

මේ ධනාත්මක චින්තන රටාවන්, දොරටු මේ ලෝකෙ විශාල ප්‍රමාණයක් තියෙනවා. එක එක චරිත සංසාරෙ වඩපු ක්‍රමවේද අනුව, සසර ගෙනාපු පුරුදු අනුව, පාරමිතා අනුව, මේ ජීවිතයේ උප්පත්තියෙන් ආපු කාරණා ආදී සියල්ල එකට එකතු වෙලා, ඒ ඒ කෙනාට විවෘත වෙන පැතිකඩවල් එකිනෙකාට විවිධ වෙනවා. ඒ විවෘත වූ පැතිකඩවල් ලෝකෙට බෙදා දීමයි ඒ අයගෙ ස්වභාවය... මනස වැඩෙන්න වැඩෙන්න ගුණධර්ම මතු වීම සිද්ධ වෙනවා.

එවැනි අයව ඇසුරු කරන්න යාමේදී සහ ඒ අයව සමීපව ඇසුරු කරන පුද්ගලයන් ඉතා පරිස්සම් විය යුතු පැතිකඩවල් කිහිපයක්ම තියෙනවා.

පළවෙනි කාරණය එවැනි අයට අභූතයෙන් චෝදනා කලොත් ඒ අය එක්ක පැටලෙන්න ගියොත් හානි කරන්න ගියොත් ඒ පැටලෙන පුද්ගලයන්ට මෙලොවදීම ඒවගෙ විපාක විඳින්නට සිදුවීමයි.. ඒ හරහා සිදුවන අඳුරු පැතිකඩ ඉහළයි. ජීවිතයට සිදුවෙන හානිය ඉහළයි. විශාල Shock එකක් විදිහට වේගවත්ව විපාක වාර එනවා. හරියට බූමරංගයක් වැඩ කරනවා වගේ. හිතපු නැති වෙලාවල් වලදි, හිතපු නැති තැන් වලදි, දරන්න බැරි විදිහට, අවාසනාවන්ත ඉරණම් වලට මූණ දෙන්න වෙනවා. කර්ම විපාක ගැන අමතක නොවෙන පාඩමක් උගන්වන අවස්ථාවක් එන්න පුලුවන්.

සමහරවිට මේ ආධ්‍යාත්මය ඉහළ අයට සෘණාත්මක ගති තියෙන කෙනෙක් කරන හානිය පොඩි දෙයක් වෙන්න පුලුවන්. ඒත් එහි විපාක වාරය විශාල වශයෙන් බරපතළ ලෙස එන්න පුලුවන්. හේතුව මේ High Vibration කෙනාගෙ පවතින ඉහළ ආධ්‍යාත්මික මානසික මට්ටම නිසා.

මේ High Vibration පුද්ගලයන්ගේ ගති ස්වභාවයන් කිහිපයක් තියෙනවා. එයාලා ආධ්‍යාත්මය දියුණු කරගෙන යද්දි එයාලට දැනෙනවා එයාලගෙ ගමනට, එයාලගෙ Vibe එකට මේ වටේ ඉන්න පිරිස ගැළපෙන් නෑ කියලා. පොසිටිව් ගමනකට සෘණාත්මක ලෝකයක් ගැළපෙන් නෑ කියලා. ආධ්‍යාත්මය දියුණු කරන් යන පිරිසගෙ ආකල්ප වෙනස් වෙද්දි Vibe එක වෙනස් වෙද්දි අනිත් අයගෙ Vibe එකට සමාන වෙන් නැතුව යනවා. Match වෙන් නැතුව යනවා. එතකොට වටේ ඉන්න ගොඩක් පිරිසක් හැලෙන්න ගන්නවා. 

එයාලට දැනෙනවා සෘණාත්මක ලෝකයක් එක්ක ගනුදෙනු කරන්න බැරි බව. එකට වාසය කිරීමේ අපහසුව. ඒ නිසා Negative Vibe තියෙන අයව, සෘණාත්මක පිරිසව තමන්ගෙන් ඈත් කරලා තියන්න දුරස්ථ භාවයක් තියාගන්න එයාලා උත්සාහ කරනවා. 

High Vibration අයගෙ මනස දියුණු වෙන්න වෙන්න මනසේ ප්‍රතිශක්තී ශක්තිය වැඩි වෙනවා. බොහෝදුරට එයාලව ඇසුරු කරන අයටත් මේ ධනාත්මක ශක්තීන් බෝවෙන්න ගන්නවා. 

සාමාන්‍යයෙන් මේ ලෝකෙ පුරුද්දක් විදිහට අනුන්ට අපහාස කරන, නිතරම අනුන්ව විවේචනය කරන, Negative Vibe එකක් තියෙන පහළ මට්ටමේ විෂ සහිත කොට්ඨාසයක් ඉන්නවා. ඒ අයගෙ ස්වභාවය නිතරම අනිත් අයව අවුස්සන එක, අනිත් අයට රිදවන එක, මඩ ගහන එක, අනුන්ව පාලනය කරන්න හදන එක, අනුන්ගෙ ජීවිතවලට කපටිකම් කරන එක...

මෙවැනි විෂ සහිත පිරිසක් අතරට High Vibration සහිත පුද්ගලයෙක් ඇතුල් උනොත් එයාගෙ තියෙන ආධ්‍යාත්මික ශක්තිය නිසා වටේ තියෙන සෘණ ශක්තිය නැති කරලා පිරිසුදු කරලා ධනාත්මක ඉහළ Vibe එකක් ඇති කරනවා. ඒ අය තුළ තියෙන ප්‍රතිශක්ති ශක්තිය විෂ අයින් කරන පිරිසුදුකාරකයක් ලෙස ක්‍රියා කරනවා.

මේ හේතුව නිසා Negative පිරිසට ආධ්‍යාත්මය ඉහළ පිරිසව දිරවන් නැතුව යනවා. දරන්න බැරුව යනවා. එයාලා අපහසුතාවට පත්වෙනවා. කලබල වෙනවා. මොකද එයාලගෙ සුපුරුදු පෝෂණ භූමිය වෙනස් වෙමින් යන නිසා. ඒ විෂ සහිත පිරිස නිතරම පෝෂණය වෙන්නෙ සෘණ ශක්තියෙන්. එයාලට නිතරම ඕනෙ කුණු. ඒත් මේ Positive අයගෙන් පිටවෙන ධනාත්මක පිරිසිදු කිරණ ශක්තිය නිසා ඒ වටේ ඉන්න අනිත් අයත් පිරිසුදු වෙන්න ගන්නවා. ඒ වටේ ඉන්න පිරිස හොඳ පැත්තට පරිවර්තනය වෙන්න ගන්නවා. ධනාත්මකව වැඩෙන්න ගන්නවා. 

මෙන්න මේ අවස්ථාවෙදි මේ විෂ සහිත පිරිස අර ආධ්‍යාත්මය දියුණු High Vibration එකක් තියෙන කෙනාට කරදර කරන්න පටන් ගන්නවා. හානිකර විදිහට හැසිරෙන්න ගන්නවා. සමහර වෙලාවට එයාලට ඉන්න තැන පවා නැති කරන තත්ත්වයට පත් කරනවා. මේක ඒගොල්ලො දන්නෙ නැති උනාට Return එක එනවා වැඩිකල් යන්න කලින්ම... ඒ නිසයි High Vibe එකක් තියෙන අයව ඇසුරු කරද්දි ඉතාම පරිස්සම් විය යුත්තේ. ඒ අය එක්ක පැටලෙන්න යන එක අනිත් අයට හානිකර වෙන්නෙ මේ ආකාරයටයි. මේවා ගැන දැනුවත් වෙලා ඒ වගේ අය එක්ක කටයුතු කළ යුතුයි.

ඊළඟ කාරණාව තමයි මේ ඉහළ ආධ්‍යාත්මික ශක්තියක් තියෙන High Vibration අයට ස්වභාවිකව පිහිටන හැකියාවක් තියෙනවා ඒ අය ඇසුරු කරන පුද්ගලයන්ගෙ හැංගිලා තියෙන අඳුරු පැතිකඩවල් දකින්න. අනිත් මිනිස්සුන්ව කියවන්න හැකියාවක් තියෙනවා. හිත දකින්න හැකියාවක් තියෙනවා. අනිත් මිනිස්සු කරන සියුම් කපටි වංචාවල් අදුරගන්න හැකියාවක් තියෙනවා. පිටතින් පේන මූණට වඩා ඇතුළත තියෙන හැංගිලා තියෙන මූණු ඒ අයට දැකගැනීමේ හැකියාව තියෙනවා. ආධ්‍යාත්මය දියුණු වෙද්දි එයාලට ලැබෙන සහජ සංවේදතාවක් එය.

මේ හැකියාවන් නිසා ව්‍යාජ කපටි පුද්ගලයන්ට මේ අය ඉස්සරහා තමන්ගෙ කපටිකම් වංචාකම් කරන්න බැරුව යනවා. Confidence නැතුව යනවා. 

High Vibration එකක් තියෙන කෙනෙක් ඉස්සරහා ඔබ පරිස්සමට කල් අරගෙන මොන විදිහකට බොරුවක් ගොතාගෙන කීවත් ඒකෙ ඇත්ත එයාලට දැනෙනවා. ඇත්ත එළියට ඇදලා ගන්න බලවත් Vibe එකක් එයාලට තියෙනවා. ඒ අයගෙ බලවත් තියුණු eye contact එකක් තියෙනවා. එසේ කරන්නෙ ඔබව අපහසුතාවට පත් කිරීමට නොව. ඒ අය ස්වභාවයෙන්ම ව්‍යාජකමට බොරුවට වංචාවට අකමැති වීමයි. ඒ අය මුල් තැන දෙන්නෙ අව්‍යාජ බවටයි, අවංකකමටයි. 

එම නිසා ඔබ බොරුවක් වංකකමක් කරද්දි ඒ අයට අහු උනොත් ඔබ ගැන තිබ්බ විශ්වාසය ආයෙ කවදාවත් වෙනස් කරන්න බැරි විදිහට කැඩිලා යන්න පුලුවන්.

බුද්ධිමත් කෙනා මේ අයගේ මේ හැකියාවෙන් තමන්ගෙ අඩුපාඩු හදාගන්න උත්සාහ කරනවා. 

අනිත් කරුණ තමයි මේ High Vibe එකක් තියෙන අයගෙ ශක්තීන් නිසා අවට පිරිසගෙ ජීවිතවලට විශාල බලපෑමක් වෙන්න පුලුවන්. සෞඛ්‍ය සම්පන්න යහපත් බලපෑමක් වෙන්න පුලුවන්. මේ High Vibe අය යම් පිරිසක් මැද්දට යම් තැනකට ගියාම මේ අය තුළ තියෙන ආධ්‍යාත්මික ඉහළ මට්ටම නිසාම එම පිරිස අතර ස්වභාවිකවම මුල් තැනට පත්වෙනවා. එම High Vibration තත්ත්වය නිසා එම ස්ථානයේ හෝ පිරිස අතර එතුවක් කල් තිබ්බ වැඩපිළිවෙළ, සම්ප්‍රදාය, වෙනස් වෙන්න කටයුතු සිද්ධ වෙනවා. තිබ්බට වඩා ඉහළට ගොඩනැගෙන්න කටයුතු සිද්ධ වෙනවා. 

මේ විදිහට මේ අයගෙ තියෙන High Vibe එක නිසා එම ස්ථානවල සිටින Negative අයගෙ ජීවිතවලට තර්ජනයක් වෙනවා. මේ අයව දරාගන්න බැරුව එක එක උගුල් අටවනවා. කරදර කරනවා. මොන ක්‍රමේකින් හරි මේ අයව ඒ තැන්වලින් අයින් කරන්න උත්සාහ කරනවා. ඒ සිදුවීම් නිසා මේ දෙගොල්ලොන්ගෙම වෙනස බුද්ධිමත් අයට තේරුම් ගන්න අවස්ථාවක් සැකසෙනවා වගේම කරදර කරන Negative ශක්තීන් තියෙන අයට බලවත් කර්ම ටිකක් රැස්වෙනවා සංසාරයෙ ගෙවන්නට...

තව දෙයක් තමයි මේ High Vibration අයට හැකියාව තියෙනවා කිසිම අනුකම්පාවක් නැතුව (අනුකම්පා විරහිත ලෙස) බැදීම් කඩලා දාන්න. එය කරන්නෙ නරක හැඟීමකින් නෙමෙයි. මේ අයට අවශ්‍ය උනොත් සම්බන්ධතා විසන්ධි කරන්නට, වැනි වැනී ඉන්නෙ නෑ දැඩිව ක්‍රියාත්මක කරනවා. මේක හිමින් හිමින් කරන දෙයක් නෙමෙයි. ක්ෂණිකව වේගවත්ම ස්ථිර ලෙස සම්බන්ධතා අත හැරීම සිදුකරන නිසා අනිත් අයට ඒක ලොකු Shock එකක් වෙන්න පුලුවන්. 

මෙහෙම කරන්නේ අනුකම්පාවක් නැතිකම නිසාවත් කෲරකමකටවත් නෙමෙයි. මේ අයගේ ආධ්‍යාත්මික ශක්තීන් සමබර කරගැනීමට, ශක්තීන්ගේ සමබර බව රැකෙන විදිහට, තමන්ගෙ යහපැවැත්ම උදෙසායි. තමන්ගෙ මානසික සාමකාමීත්වයට, ආධ්‍යාත්මික දියුණුවට වර්ධනයට බලපෑමක් එනවා යැයි දැනුනොත් කිසිදු පැකිලීමක් නැතුව, කිසිදු පසුතැවීමක් නැතුව, දෙපාරක් හිතන්නෙ නැතුව ඒ සම්බන්ධතා අත ඇරලා දානවා.

එයාලා එවැනි තීරණ ගන්නේ ගැඹුරු අවබෝධයක් ඇතුවයි. හිතුමනාපෙට කරන දෙයක් නෙවෙයි. වටේ ඉන්න අයට හැගෙන්න පුලුවන් මෙයාලා හැඩි දැඩි චරිත ක්ෂණික තීරණ ගන්න චරිත කියලා. නමුත් මෙයාලා මේ තීරණ හදිස්සියට ආවේගශීලීව ගන්න තීරණ නෙමෙයි. බොහෝ කාලයක් තිස්සෙ කල්පනා කරලා, මනස ගැන විපරම් කරලා යම් යම් දේවල් තේරුම් අරගෙන එයට විසඳුමක් ලෙස ගන්න තීරණයි.

ඒගොල්ලො දන්නවා තමන්ගෙ ගෙවත්තෙ සෞඛ්‍ය සම්පන්න හොඳ දේවල් වැඩෙන්න නම් තණකොළ ප්‍රයෝජනයක් නැති වල් පැළෑටි ඉවත් කරන්න ඕනෙ කියලා. 

ආධ්‍යාත්මික ඉහළ Vibe එකක් තියෙන අයව ඇසුරු කරද්දි මේ කාරණා දැනගෙන හිටියෙ නැත්නම් ඔවුන්ගේ ස්වභාවය ඔවුන් කටයුතු කරන ස්වභාවය තේරුම් ගත්තෙ නැත්නම් එයාලා වටේ ඉන්නෙ පිරිස, එයාලා හා සම්බන්ධ වෙන පිරිස මේ අය හරහා බරපතළ අකුසල් රැස්කර ගෙන පහළටම යන්න හේතු හදාගන්නවා. ඒකයි මේ වගේ අයව ඇසුරු කරද්දි පරිස්සම් විය යුත්තේ. ළඟින් ඇසුරු කිරීමට නොයා යුත්තේ. ඇසුරු කරනවා නම් දැනගෙනම ඇසුරු කළ යුත්තේ.

උපුටා ගැනීමකි....yoga hamuduruwo

#hilightseveryonefollowers2025 #topfanseveryone #highlightseveryonefollowers2025highlightseveryonefollowers2025 #everyoneシ゚viralシviralシfypシ゚viralシalシ #highlightseveryonefollowers #foryoupageシforyou #foryoupageシ #topreels #hilights #all #2026challenge #2026Goals #spiritualgrowth #spirituality #spiritualjourney #SpiritualAwakening #eckharttolle #stillnessspeaks  #buddhism #buddha #buddhadharma #buddhistteachings #BuddhistMonks #mindfulness #mindset #1millionviews #1m #wisdom #vibes #mindset

 ඔබ දැක තිබේද මේ හොලිවුඩි තරුව,

ඔහු නමින් ජේසන් ස්ටේතමි.!💫

ඇත්තටම ජේසන් ස්ටේතම් කියන්නේ,

හොලිවුඩ් වල ඉන්න,

රළු පෙනුමක් තියෙන නළුවෙක් වුණාට, කැමරාවෙන් පිටුපස ඔහු,

හරිම ආදර්ශමත් පුද්ගලයෙක්.!😇 

ඔහු තමන්ගේම ප්‍රතිපත්ති මාලාවකට අනුව, ජීවත් වෙන කෙනෙක්.!👊

හුදෙක් රග පෑමට සිදුවන,

චිත්‍රපට දර්ශනයක හැර,

ජේසන් කිසිම වෙලාවක වෙනත් කාන්තාවන්, ස්පර්ශ කරන්නේ නැහැ.!🚫 

චිත්‍රපට ප්‍රවර්ධන වැඩසටහන් වලදී වුණත්, ඡායාරූප වලට පෙනී සිටිද්දී වුණත් ඔහු අනෙක්, කාන්තාවන්ගෙන් පොඩි දුරක් තබා ගන්නවා.!📸 

ඔහු අනිත් අයව බදාගන්න යන්නේ නැහැ, 

අඩුම තරමේ ආචාරශීලී වෙන්න කියලවත්,

ඔහු ඒ දේ කරන්නේ නැහැ.!🙅‍♂️

මේ දේ ඔහුගේ රසිකයෝ ගොඩක් දෙනෙක්ට,

මීට කලින්ම නෝට් වෙලා තිබුණා.!👀 

තමන්ගේ සහෝදර නිළියන් එක්ක ඉන්නකොට, පවා ඔහු හරිම සංයමයකින් ඉන්නේ.!🧘‍♂️ 

හරියට ඔහුත් ඒ අයත් අතර,

නොපෙනෙන සීමාවක් තියෙනවා වගේ.!📏

මේකට හේතුව ඔහුගේ උඩඟුකම නෙවෙයි.!❌ 

ඔහු තමන් තෝරාගත් සහකාරියට තියෙන,

දැඩි ගෞරවය නිසයි එහෙම කරන්නේ.!❤️ 

2010 අවුරුද්දේ ඉඳලා ඔහු රෝසි හන්ටින්ටන් වයිට්ලි එක්ක තමයි ජීවත් වෙන්නේ.!💍 

ලෝකයම දන්න සුපිරි තරුවක් වුණත්,

තමන්ගේ ආදර සම්බන්ධය පළුදු කරගන්න,

ඔහු කවදාවත් ඉඩ දුන්නේ නැහැ.!🌟

අපකීර්තිය සහ පාවාදීම් පිරුණු මේ ලෝකේ,

ඔහු තෝරා ගත්තේ තමන්ගේ සහකාරියට,

අවංක වෙන්නයි.!🤝 

ඔහු ආදරය ගැන ලොකු ලොකු කතා,

කියවන්න යන්නේ නැහැ.!🙊 

ඒ වෙනුවට ඔහු තමන්ගේ ක්‍රියාවෙන්,

ඒක ඔප්පු කරලා පෙන්වනවා.!💪

ගොඩක් අය සමාජ මාධ්‍ය වල,

ජනප්‍රිය වෙන්න ආදරය පෙන්වන කාලෙක, ජේසන් තමන්ගේ හැඟීම්,

නිහඬව ආරක්ෂා කරනවා.!🤫 

මිලියන ගණනක් මිනිස්සු ඔහුට,

ගරු කරන්නේ අන්න ඒ නිසයි.!🫡 

මොකද නියම පිරිමියෙක් කියන්නේ,

හයියෙන් කෑගහලා කතා කරන,

කෙනෙක් නෙවෙයි,

තමන් දුන්න පොරොන්දුව,

ඒ විදිහටම රකින කෙනෙක්ටයි.!💎✨

#ChathurangaLakmal🇱🇰

 හිත මගෙන් ඇහුවා, 

"මනුස්සයෙක් වෙලා ඉපදිලා, උඹ කොහොමද කිසිම ප්‍රේමයක් නැතුව මෙච්චර හයියට හිත හදාගත්තේ?" කියලා...

මම හිතට දුන්නේ හරිම කෙටි උත්තරයක්.

"මම හිත හදාගත්තා නෙවෙයි හිතවත, මම මගේ ආත්මය පාවා නොදී රැකගත්තා."

කෙනෙක් මට අවධානය දෙනකල් පින්සෙන්ඩු වෙන එකේ තියෙන අසරණකමට මම දැන් වෛර කරනවා. 

මගේ සතුට කියන දේ තව කෙනෙක්ගේ "මූඩ්" එක මත තීරණය වෙන්න ඉඩ දෙන්න තරම් මම දැන් නිවට නැහැ. 

උන් හිතන වෙලාවට මට හිනාවෙන්නත්, 

උන් මාව මගහරින වෙලාවට මට අඬන්නත් මම මොකෙක්වත් නෙවෙයි.

ඇයි මම මගේ වටිනා ජීවිතය තව කෙනෙක්ගේ පයට පෑගෙන දූවිල්ලක් කරගන්නේ?

මම ගැන හොයන්නේ නැති, 

මගේ අගයක් නැති මනුස්සයෙක් වෙනුවෙන් රෑ එළිවෙනකල් ෆෝන් එකේ තිරය දිහා බලන් ඉන්න ඒ මානසික වහල්කම මට ඇති වෙලා.

කෙටි පණිවිඩයක් එනතුරු දහස් වාරයක් ෆෝන් එක 'අන්ලොක්' කර කර බලන ඒ වෙහෙසකර බලාපොරොත්තුව මම මගේ හිතින් අතුගාලා දැම්මා.

අහපන්...

තව කෙනෙක්ගේ ආදරය කියන්නේ මහා ලොකු දෙයක් නෙවෙයි, 

ඒක මගේ සතුට විනාශ කරන්න මම උන්ට දෙන "බලපත්‍රයක්" විතරයි. 

මගේ හිනාව මරාගන්න, 

මගේ පපුව පිච්චෙන තරම් වේදනාවක් දෙන්න මම කිසිම මනුස්සයෙක්ට ආයී බලය දෙන්නේ නැහැ.

තනිකම කියන්නේ මට දැන් සාපයක් නෙවෙයි,

මහා ලොකු අභිමානයක්. 

මට මාව මගහැරෙන්න ඉඩ දීලා, 

තව කෙනෙක් පස්සේ දුවන එක මම නතර කළා. 

මට මාව හම්බවුණ දවසේ ඉඳන් මම මගේ ලෝකයේ රජෙක්. 

කිසිම ප්‍රේමයකට මගේ මේ නිදහස සහ සැනසීම උදුරගන්න මම ආයෙත් ඉඩ දෙන්නේ නැහැ. 🌻🖤

✍️ Thusitha Dayanga

 පළවෙනි වීඩියෝ එකේ රහස (ලැජ්ජාව පැත්තකින් තියමු) 🤫📸

 කලින් පෝස්ට් වලින් අපි Niche එකක් තෝරගෙන, ප්‍රොෆෙෂනල් විදිහට චැනල් එකේ settings හදාගෙන, ෆෝන් එකෙන් වීඩියෝ කරන්න ලෑස්ති වුණානේ. අද අපි කතා කරන්නේ යූටියුබ් ගමනේ තියෙන ලොකුම කඩුල්ල ගැන. ඒ තමයි පළවෙනි වීඩියෝ එක අප්ලෝඩ් කරන එක.

ගොඩක් අයට චැනල් එකක් තිබ්බට පළවෙනි වීඩියෝ එක දාගන්න බෑ. ඇත්ත කියපන්, උඹලටත් කැමරාව ඉස්සරහට එන්න බයයි නේද? 'මූණ ලස්සන නෑ', 'කටහඬ කැතයි', 'මිනිස්සු මොනවා හිතයිද' කියලා හිතෙනවා නේද? ඕක සාමාන්‍ය දෙයක් මචං. අද මම කියලා දෙනවා ඒ බය පැත්තකින් තියලා, මුකුත්ම නොදන්න කෙනෙක් වුණත් පළවෙනි වීඩියෝ එක කොලිටියට කරන්නේ කොහොමද කියලා.

1️⃣ මූණ පෙන්නන්න බැරිම නම් 'Faceless' කරමු! 😷❌👀

ඔයා මූණ පෙන්නන්නම ලැජ්ජා නම්, කැමරාව ඉස්සරහට එන්නේ නැතුව වීඩියෝ කරන්න ක්‍රම ඕන තරම් තියෙනවා. ලෝකේ ලොකුම චැනල් ගොඩක් දුවන්නේ 'Faceless' ක්‍රමයට.

🔹 Screen Recording: උඹ Tech ගැන කරනවා නම්, ෆෝන් එකේ හරි ලැප්ටොප් එකේ හරි Screen එක Record කරලා voiceover (කටහඬ) විතරක් දෙන්න.

🔹 Gaming: ගේම් ගහන එක Record කරලා, ඒකට උඹේ කතාව (Commentary) දාන්න. මූණ ඕනේ නෑ.

🔹 Top 10 / Info: අන්තර්ජාලයෙන් Google, Pixabay, Pexels වගේ තැන් වලින් Copyright නැති Photos/Videos අරගෙන, ඒවට voiceover එකක් දීලා "ලෝකේ අමුතුම තැන් 10ක්" වගේ වීඩියෝ කරන්න.

🔹 Hand Gestures: අත විතරක් පෙන්නලා කෑම උයන හැටි, මොනවා හරි හදන හැටි, එහෙමත් නැත්නම් අකුරු ලියන හැටි පෙන්නලා වීඩියෝ කරන්න.

2️⃣ ස්ක්‍රිප්ට් එකක් ලියාගමු (මුල අග පැටලෙන්නේ නැති වෙන්න) 📝🤔

මුකුත් නොදන්න කෙනෙක්ට උනත් පට්ට වැදගත් වෙන දෙයක් තමයි ස්ක්‍රිප්ට් එක. දන්නවා කියලා නිකන්ම බ්ලා බ්ලා ගාන්න ගියොත්, පළවෙනි වීඩියෝ එකේදී ඔයා අතරමං වෙනවා. ඒ නිසා වීඩියෝ එක කරන්න කලින් මේ ටික ලියාගන්න.

🔹 Hook (මුල් තත්පර 15): වීඩියෝ එක පටන් ගද්දිම බලන කෙනාව අල්ලගන්න ඕනේ. (උදා: "අද මම කියලා දෙනවා ෆෝන් එකෙන් සල්ලි හොයන පට්ටම ක්‍රමයක්!").

🔹 Intro: උඹ කවුද, චැනල් එක මොකක්ද කියලා පොඩියට අඳුන්වලා දීලා වීඩියෝ එකේ මාතෘකාව කියපන්.

🔹 Body (ඇත්ත කතාව): ඔයා කියලා දෙන්න යන දේ කරුණු 3-4කට කඩලා ලියාගනින්. එතකොට කතා කරන එක පැටලෙන්නේ නෑ. (කරුණ 1, කරුණ 2...).

🔹 Conclusion & CTA: අන්තිමට ඔයා කියපු දේ සාරාංශයක් කියලා, "වීඩියෝ එක හොඳ නම් Subscribe කරන්න" කියලා මිනිස්සුන්ට කියන්න.

3️⃣ ලයිටින් සහ ඕඩියෝ (කලින් පෝස්ට් එකේ කිව්වා මතකද?) 💡🎤

කලින් පෝස්ට් එකේ මම කිව්වා ලොකු බඩු ඕනේ නෑ කියලා. හැබැයි තියෙන ෆෝන් එකෙන් උපරිම ඵල ප්‍රයෝජන ගන්න ඕනේ.

🔹 Lighting: ජනේලයක් ඉස්සරහට යන්න. ඉර එළිය මූණට වැටෙන්න වීඩියෝ කරන්න. පිටිපස්සෙන් එළිය තිබ්බොත් මූණ කළු වෙනවා. එච්චරයි!

🔹 Audio (වඩාත්ම වැදගත්): මිනිස්සු වීඩියෝ කොලිටිය අඩු උනත් බලනවා, හැබැයි සද්දේ කැත නම් තත්පර 5න් වීඩියෝ එකෙන් යනවා. සද්දේ නැති තැනක, ෆෝන් එක කටට ටිකක් කිට්ටුවෙන් තියන් රෙකෝඩ් කරන්න. හෑන්ඩ්ස් ෆ්‍රී එකක් හරි ගහලා කතා කරන්න. (voiceover එකක් දෙනවා නම් Adobe Podcast AI පාවිච්චි කරන්න).

මචංලා, සාර්ථකත්වයේ රහස තියෙන්නේ පටන් ගැනීමේ. පළවෙනි වීඩියෝ එක පට්ට ගජරියක් (අවුල්) වෙන්න පුළුවන්. ඒකට කමක් නෑ. සාර්ථක හැම යූටියුබර් කෙනෙක්ගෙම පළවෙනි වීඩියෝව කැතයි. ඒක දාන්නේ නැතුව මොකක්ද අවුල කියලා හොයන්න බෑ. අදම Script එක ලියලා, හෙට රෙකෝඩ් කරලා දාන්න.

ඔයාගෙ නිශ් (Niche) එක මොකක්ද කියලා කමෙන්ට් එකක් දාගෙන යන්න. Faceless කරන්න හොඳ අයිඩියා ටිකක් ඉස්සරහට දෙන්නම්.

ඊළඟ පෝස්ට් එකෙන් අපි කතා කරන්නේ, වීඩියෝව දැම්මට පස්සේ මිනිස්සුන්ව ක්ලික් කරවන්න කරන මායාව - Thumbnails සහ Titles ගැන.

මුකුත් නොදන්න අපේ කොල්ලෝ කෙල්ලොන්ටත් ගැම්මක් ගන්න මේක ශෙයාර් පාරක් දාලා සපෝට් එකක් දෙන්න. දිගටම Tecnic life lanka පේජ් එකත් එක්ක සෙට් වෙලා ඉන්න! 💪🔥. 

#YouTubeMasterclass #YouTubeSinhala #OvercomeCameraShyness #FacelessYouTubeChannel #VideoScriptTips #YouTubeForBeginners #ContentCreationSinhala #TecnicLifeLanka #FirstYouTubeVideo #DigitalCreatorLK

 සම්බන්ධතා බිද වැටෙන්නේ, toxic නිසා විතරද, තමන්ට නොදැනෙන තැනක, නොදැනෙන පුද්ගලයෙක් එක්ක දිගටම ජීවත් වෙන්න ඕනෙද?

"Ideal Partner" තෝරගන්න, එයා එක්ක ජීවත් වෙන්න මනුස්සයෙකුට අයිතියක් නැද්ද?

සමහර සම්බන්ධතා අවුරුදු ගාණක් ගැටලුවක් නැතුව හොඳින් පවත්වාගෙන යනවා. තමන්ගේ  සහකරු, සහකාරිය විෂ සහිත කෙනෙක් නෙමෙයි. තමන්ව හොඳින් තේරුම් ගත්ත තමන්ගෙ ජීවිතේ හැම දේටම උදව් කරන කෙනෙක්.

ඒත් එකපාරටම එක්කෙනෙක් වෙනස් වෙනවා.

ඇයි එහෙම වෙන්නේ? 

මිනිස්සුන්ගේ හිත් වල තමන්ට ගැලපෙන සුදුසුම කෙනා කියන රූපයක් ඇඳලා තියෙනවා. (Ideal partner). නමුත් ගොඩක් මිනිස්සු මේ තමන්ට සුදුසුම කෙනා කියල හිතාගෙන ඉන්න පුද්ගලයා හෝ ගැහැණිය, මුණ ගැහෙන්න කලින් තමන්ට ගැලපෙනවා කියලා හිතෙන මිනිස්සු එක්ක සම්බන්ධතා පටන් ගන්නවා. සමහර වෙලාවට විවාහය දක්වාම මේ සම්බන්ධතා යනවා.

එහෙම සම්බන්ධතා පටන් ගත්තත්, විවාහයෙන් බැඳුණත්, තමන්ගේ සුදුසුම කෙනා කියලා හිතාගෙන හිටපු කෙනාගේ චිත්‍රය වෙනස් වෙන්නෙ නෑ. ඒක එහෙම්මම තියෙනවා. ඉතින් යම් කාලයක් ගිහිල්ලා,  එයාගේ හිතේ මවාගෙන හිටපු "Ideal Partner" (ෆැන්ටසියට ගැළපෙන කෙනා) වගේ කෙනෙක් එයාට මුණගැහුණු ගමන්, මෙච්චර කාලයක් තමන් එක්ක හිටපු මනුස්සයාව එපා වෙනවා. ඒ මනුස්සයව දැනෙන්නෙ නැතුව යනවා.

මේ ආත්මාර්ථකාමිත්වය ගැන ඔයා පොඩ්ඩක් හිතන්න

1. තමන්ගෙ අවශ්‍යතාවලට මනුස්සයෙක්ව පාවිච්චි කරන්න එපා

තමන්ට සුදුසුම (ideal) කෙනා හම්බවෙනකල් තනිකම මකාගන්න, තමන්ට ආදරය විඳින්න, කවුරු හරි ළඟ නතර වෙන්න එපා. ඔයාට ගැළපෙන කෙනා කවුද කියලා ඔයා දන්නේ නැත්නම්, ඒ කෙනා කවුද කියලා, තමන්ගෙන්ම අහල බලල තීරණයක් ගන්න. අවංකව තව කෙනෙක්ට ආදරය කරන්න බැරි නම්, ඒ මනුස්සයාට බලාපොරොත්තු දීලා පස්සේ අතරමං කරන එක මාරම අසාධාරණයක්.

2. සිතුවිලිවල පාලනය (Self-Control)

හිතෙන හිතෙන වෙලාවට, හිත යන යන පුද්ගලයා පස්සේ යන එක ආදරය නෙමෙයි. ඔයාට සුදුසුම කෙනා හම්බවුණේ පස්සේ නම්, ඒක ඔයාගෙ වරදක් මිසක්, ඔයාට ආදරේ කරපු මනුස්සයාගේ වරදක් නෙමෙයි. තමන්ගේ වැරැද්දට තමන්ට ආදරය කරපු කෙනෙකුට දඬුවම් දෙන්න එපා.

තමන්ට ඇත්තටම ආදරේ කරපු, තමන් වෙනුවෙන් කැපවුණු මනුස්සයාට පක්ෂපාතී (Loyal) වෙන්න.

3. දෙවනියා අතහැරලා තුන්වෙනියා ළඟට?

අද ඔයාට ගැළපෙනම කෙනා කියලා හිතෙන කෙනා, හෙට ඔයාට තව කෙනෙක් හම්බවුණාම "නොගැළපෙන" කෙනෙක් වෙන්න පුළුවන්. ඒක එහෙම වෙන්නේ ම නැහැ කියලා ඔයාට කියන්න බැහැ. ඔයාට පළවෙනි මනුස්සයා හම්බවෙන වෙලාවෙත් ඔයාට හිතුනෙ මෙයාට මට ගැලපෙන කෙනා කියලානේ. ඒත් හිතේ ඉන්නවා කියලා හිතන් හිටපු මනුස්සයා හම්බවුණාම, ඒ අදහස වෙනස්වුණා. 

දැන් ඔයා ඔයාට සුදුසුම කෙනා කියලා හිතන, කෙනාගෙත් ඔයා බලාපොරොත්තු වෙන හැමදේම නැතිවෙන්නන පුළුවන්. ඔයා බලාපොරොත්තු වෙන දේවල් වලින් 90% තියෙන කෙනා දෙවෙනි කෙනා කියලා ඔයාට හිතෙන්න පුළුවන්, හැබැයි දවසක, ඔයා බලාපොරොත්තු වෙන දේවල් වලින් 95% තියෙන කෙනෙක් ඔයාට හම්බ වුණොත්, ඔයාට ඔය 90% තියෙන කෙනත් අතාරින්නන වෙනවා. 

මේ දුවන මානසිකත්වය තියෙන කෙනෙක්ට කවදාවත් එක තැනක සැනසීමක් හම්බවෙන්නේ නැහැ. ඔයා කරන්නේ පෞරුෂයක් නැති මනුස්සයෙක් විදිහට මිනිස්සුන්ගේ හිත් රිදවන එක විතරයි.

මෙතනදී අනිත් පාර්ශවයට මතක් කරන්න තියෙන කාරණය තමයි, ඔයා සම්බන්ධතාවය පටන් ගන්න යන කෙනා, ඔයා ළඟට එන්නේ තව කෙනෙක්ව අතෑරලා දාලා නම්, ඔයාටත් ඒ දේම කරන්න පුළුවන් කියන එක අමතක කරන්න එපා.

4. දරාගැනීමේ සීමාව

මිනිස්සු මිනිස්සුන්ට ආදරය කරන්න ඕන, ඒත් ඇබ්බැහි වෙන්න හොඳ නැහැ. අනිත් කෙනාට ආදරය කරන ගමන්, ඊට වඩා දශමයක් හරි වැඩියෙන් තමන්ට ආදරය කරන්න ඕන. ඒත් හැම මනුස්සයෙක්ම සම්බන්ධතාවයක් පටන් ගන්නේ එහෙම නෙමෙයි. සමහර අය මිනිස්සුන්ට ඇබ්බැහි වෙනවා. එයාලා ඕනෑම වෙලාවක මේක නැති වෙන්න පුළුවන් කියන සූදානමකින් නෙමෙයි ඉන්නේ. ඉතින්, ඔයාගේ ආත්මාර්ථකාමී තීරණයක් නිසා තව මනුස්සයෙක් මුළු ජීවිත කාලයම විඳවන්න පුළුවන්. ඒ පවට ඔයාට කවදා හරි වන්දි ගෙවන්න වෙනවා. 

ආදරය කියන්නේ හිතෙන හිතෙන වෙලාවට මාරු කරන ඇඳුමක් නෙමෙයි. ඔයාට කෙනෙක්ට අවංක වෙන්න බැරි නම්, ඔයාගේ "සිහින කුමාරයා හෝ කුමාරිය" හම්බවෙනකල් තව මනුස්සයෙක්ගේ ජීවිතය නාස්ති නොකර තනිවම ඉන්න ඉගෙන ගන්න.

ජීවත් වෙද්දී මහ ලොකු ධාර්මික මනුස්සයෙක් වෙන්න ඕනෙත් නැහැ. තමන්ට වෙනවට අකමැති කිසිම දෙයක් තව කෙනෙකුට නොකර ඉන්න.

බාලිකා හේවගේ

Psychology Practitioner & Author

BA (English), PgD in Counseling Psychology (Reading) - UOC