ඔය ඕනෑවට වඩා,

හොඳ වෙන්න යන මිනිස්සුන්ව,

ඕනම කෙනෙකුට,

ලේසියෙන් රවට්ටන්න පුළුවන්. 🤦‍♂️ 

ඒ වගේම හැමතිස්සෙම,

නරක වැඩ විතරක්ම කරන මිනිස්සුත්,

වැඩිකල් ඉන්නේ නැහැ,

ඉක්මනටම විනාශ වෙලා යනවා. 💥 

මේ දෙගොල්ලන්වම කාට වුණත්,

ලේසියෙන් පාලනය කරන්න පුළුවන්. 🎮 

හැබැයි ලෝකේ ඉන්න භයානකම මිනිහ,

ඔය දෙන්නගෙන්,

එක්කෙනෙක්වත් නෙවෙයි. 🤫 

ඔහුට තමන්ගේ වාසිය, 

පැවැත්ම සහ ජයග්‍රහණය වෙනුවෙන් විතරක්, වැඩ කරන්න පුළුවන්,

පුදුමාකාර හික්මවීමක් තියෙනවා. 🎯

ඇතැම් අය හිතන්නේ,

බලවත් මිනිස්සු හැමතිස්සෙම,

අනුකම්පාවක් නැති,

නපුරු අය කියලා. 😈 

හැබැයි ඇත්තම කතාව ඒක නෙවෙයි. 🙅‍♂️ 

කෙනෙකුට හදවතින්ම,

කරුණාවන්ත වෙන්න පුළුවන්,

හැබැයි ඒ අතරම තමන්ගේ,

සීමාවන් රැකගන්නත් ඔහු දන්නවා. 🛡️ 

ඔහු හැමතිස්සෙම ඇත්ත කතා කරන්න පුළුවන්, හැබැයි බොරුව සහ වංචාව කියන දේ, සිද්ධවෙන්නේ කොහොමද කියලත්,

ඔහු හොඳටම වටහාගෙන ඉන්නවා. 👀 

සැබෑ බලය තියෙන්නේ තමන්ට,

ඕනෑම තත්ත්වයකට හැඩගැහෙන්න පුළුවන්, නම්‍යශීලීකම ඇතුළෙයි. 🌊

තමන්ගේ ප්‍රතිපත්ති විතරක්ම,

බදාගෙන ඉන්න තද මිනිස්සු,

ජීවිතේ ප්‍රශ්න ඉස්සරහදී,

ලේසියෙන්ම කඩා වැටෙනවා. 💔 

හැමෝටම හොඳ මුහුණක්,

පෙන්නන්න යන කෙනාව,

ලෝකය විසින් සූරාගෙන කනවා. 💸 

තමන් චණ්ඩියෙක් කියලා,

පෙන්නන්න යන කෙනා,

අනවශ්‍ය රණ්ඩුවල පැටලිලා,

තමන්වම විනාශ කරගන්නවා. ⚔️ 

හැබැයි සැබෑ උපක්‍රමශීලී මිනිස්සු බලන්නේ,

තමන් ඉන්න තැනට සහ වෙලාවට,

ගැලපෙන විදිහට තමන්ගේ,

හැසිරීම වෙනස් කරගන්නයි. 🎭

ඔබ කිසිම දෙයක් බලාපොරොත්තු නොවී, හැමෝටම හැමදේම දෙන්න ගියොත්,

මිනිස්සු ඔබව හූරන් කන්න පුරුදු වෙනවා. 📉 

ඔබ තමන්ගේ අගයක් ඉල්ලුවේ නැත්නම්,

ලෝකය ඔබට කිසිම,

වටිනාකමක් දෙන්නේ නැහැ. 🤷‍♂️ 

කෘතගුණ නොදන්නා,

සමාජ ක්‍රමයක් වෙනුවෙන් ඔබ,

නැවත නැවතත් කැපවෙන්න ගියොත්,

අන්තිමට ඒ ක්‍රමය විසින්ම ඔබව,

බිලි අරගෙන ඒකට ත්‍යාගශීලීකම කියලා,

ලස්සන නමකුත් දායි. ☠️

ලෝකේ බලය අතේ තියෙන,

ලොකු ආයතන සහ ආණ්ඩුවල,

ඉහළම තැන් මෙහෙයවන මිනිස්සු,

තීරණ ගන්නේ සදාචාරය ගැන,

හිතලා නෙවෙයි. 🏛️ 

ඔවුන් බලන්නේ තමන්ගේ වාසිය,

අවදානම සහ බලය රැකගන්නේ,

කොහොමද කියන එක විතරයි. 😎 

සාමාන්‍ය මිනිස්සු හැමතිස්සෙම,

හොඳ නරක ගැන තර්ක කර කර ඉන්නකොට,

මේ කියන කපටි සහ උපක්‍රමශීලී මිනිස්සු, නිශ්ශබ්දවම ලෝකය තමන්ට ඕන විදිහට 

වෙනස් කරනවා. 🌍

මේකෙන් අදහස් කරන්නේ,

ඔබ නපුරු මිනිහෙක් වෙන්න,

ඕනේ කියන එක නෙවෙයි. 🛑 

මෙයින් කියන්නේ අනුන්ට ඔබව,

ලේසියෙන් රවට්ටන්න හෝ පාලනය කරන්න,

බැරි කෙනෙක් වෙන්න කියන එකයි. 👍 

විශ්වාසය ගොඩනගන්න ඕන තැනදී,

හොඳ මිනිහෙක් වෙන්න. 🤝 

සබඳතා ශක්තිමත් කරගන්න ඕන තැනදී, අනුකම්පාව පාවිච්චි කරන්න. ❤️ 

හැබැයි තමන්ගේ පැවැත්ම,

අනතුරේ වැටෙන තැනකදී,

කිසිම පැකිලීමකින් තොරව,

දැඩි තීරණ ගන්නත් පසුබට වෙන්න එපා. ⚡

#ChathurangaLakmal🇱🇰

 ආශාවයි කේන්තියයි එක්ක යුද්ධ කරලා පැරදුණ අයට! 🛑🧠

ඔයා පොඩ්ඩක් නිශ්ශබ්ද වෙලා කල්පනා කරලා බලන්න, ඔයාගේ මුළු ජීවිත කාලය පුරාම ඔයා මානසිකව වැඩියෙන්ම පීඩා වින්දේ මොන වගේ වෙලාවල් වලදීද කියලා. එක්කෝ හිතට දරාගන්න බැරි තරම් ලොකු ආශාවක්, බැඳීමක් හෝ රාග සිතුවිල්ලක් ආපු වෙලාවක. නැත්නම් කාත් එක්ක හරි මහා දරුණු කේන්තියක්, වෛරයක්, ද්වේෂයක් ඇතිවුණු වෙලාවක නේද? මේ වගේ හැඟීමක් හිතට ආපු සැනින් අපි හැමෝම සාමාන්‍යයෙන් කරන්න හදන්නේ මොකක්ද? අපි ඒ හැඟීම් එක්ක හිත ඇතුලේ මහා ලොකු සටනක් කරනවා. "මට ඇයි මෙහෙම හිතෙන්නේ? මම හරිම නරක කෙනෙක්නේ, මම මේ කේන්තිය පාලනය කරගන්න ඕනේ, මම මේ ආශාව හිතෙන් අයින් කරන්න ඕනේ" කියලා ඒ හැඟීම් බලෙන් මර්දනය කරන්න, හිත යට හිරකරන්න අපි දඟලනවා. හැබැයි ඔයා අවංකවම ඔයාගේ අත්දැකීමෙන් දන්නවා, ඔයා රාගය සහ ද්වේෂය එක්ක සටන් කරන්න කරන්න, සිද්දවෙන්නේ ඒ සිතුවිලි තව තවත් තදින් හිත ඇතුළේ මුල් ඇදලා, ඔයාගේ මුළු මනසම වසාගෙන ඔයාව තවත් මහා ලොකු පීඩාවකට ඇදලා දමන එක විතරයි. හැබැයි බුදුරජාණන් වහන්සේ පෙන්වා දුන්න උතුම් ශ්‍රී සද්ධර්මය ඇතුළේ තියෙන්නේ මීට වඩා වෙනස්ම කතාවක්. උන්වහන්සේ වදාලේ රාගය හෝ ද්වේෂය සමඟ සටන් කරලා ඒවා නැති කරන්න බැහැ, දුරු කළ යුත්තේ ඒවා අල්ලගෙන ඉන්න "සක්කාය දෘෂ්ටිය" හෙවත් "මම" කියන මායාව විතරයි කියලයි.

මෙන්න මේ සත්‍යය ජීවිතයට ගළපා වටහා ගන්න අපිට මේ වගේ සරල උදාහරණයක් ගන්න පුළුවන්. ඔයා හිතන්න ඔයා මහා රෑක පාරක තනියම ඇවිදගෙන යනවා කියලා. එකපාරටම පාර අයිනේ දරුණු හොරෙක්, නැත්නම් මිනීමරුවෙක් ඉන්නවා වගේ ඔයාට පේනවා. ඒක දැකපු සැනින් ඔයාගේ පපුව ගැහෙන්න ගන්නවා, මරණ බයක් දැනෙනවා, ඇඟ පණ නැති වෙලා යනවා. දැන් මේ බයෙන් බේරෙන්න කියලා ඔයා අර පේන රූපය එක්ක යුද්ධ කරන්න යනවා, පොලුවලින් ගහන්න යනවා, නැත්නම් මාව බේරගන්න කියලා කෑගහනවා. හැබැයි ඔයා කොච්චර දඟලුවත් අර බය නැති වෙන්නේ නැහැ. හැබැයි තවත් ටිකක් ළඟට ගිහින්, අතේ තියෙන ටෝච් එක ගහලා බලද්දී ඔයාට පේනවා එතැන ඉන්නේ හොරෙක් නෙවෙයි, කවුරු හරි පරණ රෙදි කැබලි දාලා හදපු පඹයෙක් විතරයි කියලා! අන්න ඒ පඹයෙක් කියන ඇත්ත දැකපු ක්ෂණයෙන් මොකද වෙන්නේ? අර තිබුණු මහා ලොකු බය, පපුවේ ගැස්ම, කලබලය සේරම මොහොතකින් අතුරුදන් වෙලා යනවා නේද? එතනදී ඔයා බය එක්ක යුද්ධ කළාද? නැහැ. බය බලෙන් නැති කළාද? නැහැ. සිද්ධ වුණේ එතන හොරෙක් ඉන්නවා කියන මුලාව අයින් වෙලා, ඇත්ත දැකපු එක විතරයි.

අපේ හිත ඇතුළේ සිද්ධ වෙන රාගය සහ ද්වේෂය කියන සෙල්ලමත් හරියට අන්න ඒ වගේමයි. රාගය (ඇලීම) සහ ද්වේෂය (ගැටීම) කියන්නේ කොහේ හරි ස්වාධීනව පවතින, අපිට පිටින් ඇවිත් අපිට පහර දෙන බලවේගයන් නෙවෙයි. ඒවා ඇස, කන, නාසය, දිව, ශරීරය සහ මනස කියන ආයතන හරහා බාහිර ලෝකය මුණගැසෙන කොට, හේතු සහ ප්‍රත්‍යයන් නිසා හිත ඇතුළේ ක්ෂණිකව හටගන්න, තනිකරම ස්වභාවික ක්‍රියාවලීන් විතරයි. අපි ඇසෙන් ලස්සන රූපයක් දකින කොට ඒකට කැමති වීමක් විදිහට රාගයත්, කනෙන් අකමැති ශබ්දයක්, බැනුමක් ඇහෙන කොට ඒකට අකමැති වීමක් විදිහට ද්වේෂයත් මතු වෙනවා. හැබැයි මෙතන තියෙන ඇත්තම ප්‍රශ්නය මේ රාගය හෝ ද්වේෂය ඇතිවීම නෙවෙයි. ඇත්තම ප්‍රශ්නය තමයි, ඒ ඇතිවෙන ක්‍රියාවලිය අස්සේ “මම” කෙනෙක් ඉන්නවා, ඒක මටයි සිද්ධ වුණේ කියලා වැරදියට අල්ලා ගන්නා සක්කාය දෘෂ්ටිය.

පොඩ්ඩක් කල්පනා කරලා බලන්න, හිතට කේන්තියක් ආපු සැනින් අපේ මනස ක්‍රියාත්මක වෙන්නේ කොහොමද? “මට කේන්ති ආවා”, “මාව පාලනය කරගන්න බැරි වුණා”, “මම මේක නැති කරන්න ඕනේ” වගේ සිතුවිලි නේද එක පෙළට එන්නේ? අන්න ඒ සිතුවිලි මතුවෙන තැනම තමයි අවිද්‍යාව හෙවත් යථාර්ථය නොදැනීම උපරිමයෙන්ම ක්‍රියාත්මක වෙන්නේ. හැබැයි එතන ඇත්තටම සිද්දවුණේ ඇසුණු ශබ්දයට අනුව හිතේ ඇතිවුණු නිකන්ම නිකන් මනෝමය රසායනික ක්‍රියාවලියක් විතරයි. හැබැයි අපේ මනස කරන්නේ ඒ ගලාගෙන යන ක්‍රියාවලියට අයිතිකරුවෙක්, හිමිකරුවෙක් විදිහට “මම” කියන එක ක්ෂණිකව ගොඩනඟාගෙන ඒක තදින් අල්ලා ගැනීමයි (උපාදානය). අන්න ඒ වැරදි බැඳීම නිසාම තමයි රාගය දිගින් දිගටම හිතේ පවතින්නේ. ද්වේෂයත් නැවත නැවතත් අලුත් වෙමින් හටගන්නේ අන්න ඒ මමත්වයේ මැලියම් තට්ටුව නිසා විතරයි.

අපි තවත් සරල උදාහරණයක් බලමු. නිකන් හිතන්න අහසේ මහා කළු වලාකුළක් පා වෙලා යනවා කියලා. ඒ වලාකුළ ආවම අහස කලබල වෙනවාද? නැහැ. අහස නිහඬව බලාගෙන ඉන්නවා. වලාකුළ එනවා, අහස හරහා පා වෙලා යනවා, ඊටපස්සේ නැතිවෙලා යනවා. අහසට කිසිම හානියක් වෙන්නේ නැහැ. හැබැයි අපි කරන්නේ මොකක්ද? හිත කියන අහසේ පා වෙලා යන රාගය හෝ ද්වේෂය කියන කළු වලාකුළු දැක්කාම, ඒවා අපේ කරගෙන, "මේ මගේ වලාකුළ, මටයි මේක ආවේ" කියලා ඒක බදාගෙන අඬනවා.

ඒ නිසා බුදුදහම අපිට පෙන්වා දෙන්නේ රාගය සමඟ යුද්ධ කරන්න කියලා නෙවෙයි. ද්වේෂය බලෙන් මර්දනය කරලා හිත යට හිරකරගෙන ලෙඩ වෙන්න කියලත් නෙවෙයි. රාගය බලෙන් ඉවත් කරන්න දැඟලීමක් හෝ ද්වේෂය නැති කරන්න වෑයම් කිරීමක් වෙනුවට, කරන්න තියෙන්නේ ඒවා හිත ඇතුළේ හටගන්නා සහ නැතිවෙලා යන ආකාරය කිසිම විනිශ්චයකින් තොරව, පිරිසිදුව දැක ගැනීම විතරයි. අපේ ඒ දැකීම, ඒ අවධානය ගැඹුරු වෙද්දී, අපිට පේන්න ගන්නවා මේ ඇතිවුණු රාගය හෝ කේන්තිය කියන්නේ "මගේ දෙයක්" නොවන බව. ඒවා නිකන්ම නිකන් හේතු ප්‍රත්‍ය නිසා මොහොතින් මොහොත හටගෙන, ඊළඟ මොහොතේ නැතිවෙලා යන ස්වභාවික ධර්මතාවයන් විතරක් බව ප්‍රඥාවට මීටර් වෙන්න ගන්නවා.

එතකොට අපේ සිත ඇතුළෙන් දුක් පීඩාවන් දුරු වෙන්නේ රාගය බලෙන් අයින් කිරීමෙන් හෝ ද්වේෂය මැඩපැවැත්වීමෙන් නෙවෙයි. දුරු වෙන්නේ ඒ සියල්ල “මගේ, මටයි වුණේ” කියලා දැඩිව අල්ලාගෙන සිටි “මම” කියන සක්කාය දෘෂ්ටියයි. සක්කාය දෘෂ්ටිය කියන ඒ මමත්වයේ මායාව බිඳෙන තැනදීම, ඇලීමේ මූලයන් සහ ගැටීමේ මූලයන් සහමුලින්ම බිඳ වැටෙනවා. ඉන්පසුවත් බාහිර නිමිති නිසා හිත ඇතුළේ එක එක මානසික ක්‍රියාවලීන්, හැඟීම් සිදුවෙන්න පුළුවන්. හැබැයි ඒ කිසිම දේකට ඇලීමක්, ගැටීමක් හෝ බැඳී යාමක් සිදුවෙන්නේ නැහැ. මොකද ඒවා අල්ලාගෙන, මගේ කරගෙන, දුක් විඳින්නට “කෙනෙක්” හෝ "ආත්මයක්" තවදුරටත් ඒ සිත ඇතුළේ ඉතිරි වෙලා නැති නිසයි.

ඒ නිසා මීට පස්සේ ඔයාගේ හිත දිහා බලද්දී, දැකිය යුත්තේ රාගය හෝ ද්වේෂය කියන සිතුවිලි දිහා විතරක් නෙවෙයි. ඒවාට “මම” කියලා ඔයාගේ මනස විසින් බැඳී යන ආකාරය සහ අයිතිවාසිකම් කියන ආකාරයයි. අන්න ඒ බැඳීම, ඒ ග්‍රහණය බිඳෙන තැනින්ම, කිසිම කලබලයකින් තොරව පරම නිදහස සහ සැබෑ නිශ්ශබ්දතාවය ඔයාගේ ඇතුළාන්තයෙන්ම මතු වේවි. සැබෑ ධර්ම අවබෝධය සහ මානසික විමුක්තිය කියන මේ අත්දැකීම කියන්නේ වෙන කිසිවක් නෙවෙයි, මෙන්න මේ සත්‍යය, ප්‍රඥාවේ ආලෝකයෙන් දැකීමයි.

ඔබ සැමට උතුම් ධර්මාවබෝධයම ලැබේවා! ☸️🙏🌕

✍️ AmaNi 

ලිපිය වැදගත් නම් තව කෙනෙක්ට කියවන්න Share කරන්න. 🙏🙏

Copyright © 2026 Amani by Motiv8 Production

#TheBuddhaVision #SakkayaDitthi #NoMoreWarWithin #BeyondAttachment #Anatta #BuddhistPsychology #InsightAwareness #PureObservation #Mindfulness #Sati #PathToFreedom #SriLanka #Motiv8 #ධර්මය #සක්කායදෘෂ්ටිය #රාගයසහද්වේෂය #හිතේයුද්ධය #මමත්වයේමායාව #යථාර්ථය #නිදහස #සිහිනුවණ #ප්‍රඥාව #නිවීයාම

 එකම වැරැද්ද, එකම විදියේ මිනිස්සු නැවත නැවතත් ඔයාටම මුණගැහෙන්නේ ඇයි? 

ඔයාගේ ජීවිතේ මෙහෙම දේවල් වෙනවාද? ඔයා කොච්චර හොඳින්, අවංකව හිටියත්, ආදරේදී හරි නැතනම් යාළුකම් වලදී හරි එකම විදියේ විෂ සහිත මිනිස්සු, එකම විදියේ පාවාදීම් නැවත නැවතත් ඔයාගේ ජීවිතයට ඇවිල්ල තියනවද? 

රස්සාවල් කීයක් මාරු කළත්, කොච්චර පරිස්සම් වුණත් එකම විදියේ ප්‍රශ්න වලට නැවතත් මුහුණ දෙන්න වෙනවාද?

ගොඩක් අය හිතාගෙන ඉන්නේ මේක තමන්ගේ අවාසනාව, කරුමය, නැත්නම් කාගේ හරි සාපයක් කියලා. හැබැයි අදින් පස්සේ ඒ ගැන බයවෙන එක සදහටම නතර කරලා දන්න. මේක අවාසනාව නෙවෙයි; අද අපි මේ 'Repeating Patterns' පිටුපස තියෙන සැබෑ විද්‍යාව සහ විශ්ව ශක්ති විද්‍යාව ගැඹුරින් තේරුම් ගමු...

මේ වගේ වටිනා රහස් හැමදාම දැනගන්න අපේ Page එක දැන්ම Follow කරගෙනම යන්න! 

එක මොළයේ පුනරාවර්තන බලකිරීම

මනෝවිද්‍යාවේ මෙහෙම පැහැදිලි කරනවා, මෙහෙම එකම දේ නැවත නැවතත් ඔයාගේ ජීවිතයට එන්නේ 'Repetition Compulsion' කියන මානසික ක්‍රියාවලිය නිසයි. 

ස්නායු විද්‍යාව පැහැදිලි කරනවා, ඔයාගේ මොළය හැමතිස්සෙම කැමති 'හුරුපුරුදු' දේවලට කියලා. 

ඔයා අතීතයේ හරි පොඩි කාලේ හරි ලොකු වේදනාවක්, ප්‍රතික්ෂේප වීමක් වින්දා නම්, ඔයාගේ යටිසිත ඒ වේදනාවට අහම්බෙන් ඇබ්බැහි වෙලා තියෙනවා. 

ඒ නිසයි ඔයාගේ මොළය නොදැනුවත්වම ඔයාට රිදවන, අර පරණ හුරුපුරුදු වේදනාවම දෙන මිනිස්සුන්වම චුම්භකයක් වගේ හොයාගෙන යන්නේ.

සැබෑ ශක්ති විද්‍යාව - The Quantum Energy Truth

ක්වොන්ටම් ශක්ති විද්‍යාවට අනුව මේ ලෝකේ හැමදේම ශක්තීන්. ඔයාගේ හදවතේ ඇතුළාන්තයේ සුවපත් නොවුණු තුවාලයක් තියෙනවා නම්, ඔයාගේ ශක්ති වළල්ලෙන් නිකුත් වෙන්නේ ඒ අඩුව සහ හිඟකමේ කම්පනයයි. විශ්වය කියන්නේ මහා පාසලක්. 

ඔයා ඒ පාඩම ඉගෙනගන්නකම්, විශ්වය එකම ප්‍රශ්නය, එකම විදියේ මිනිස්සුන්ගේ මුහුණු වලින් ඔයාගේ ජීවිතයට එවනවා. ඔයා එකම වැරැද්ද ආකර්ෂණය කරගන්නේ ඔයාගේ කරුමයකට නෙවෙයි, ඔයාගේ ඇතුළේ තියෙන ඒ 'තුවාලය' සුවපත් කරගන්න ඔයාට මතක් කරලා දෙන්නයි!

මේකෙන් බේරෙන්නේ කොහොමද?

අද ඉඳන් එකම ප්‍රශ්නයක් දෙවෙනි වතාවටත් ආවාම, "ඇයි මටම මෙහෙම වෙන්නේ?" කියලා අඬන එක නතර කරන්න. 

ඒ වෙනුවට ගැඹුරු හුස්මක් අරන් ඔයාගේ යටිසිතෙන් මෙහෙම අහන්න: "මේ ප්‍රශ්නය නැවතත් ආවේ මට මොනවා උගන්වන්නද? මම මගේ ඇතුළේ වෙනස් කරගන්න ඕනේ මොකක්ද?"

විශ්වාස කරන්න, ඔයා ඒ පාඩම තේරුම් ගත්තු තත්පරේම ඒ විෂ සහිත චක්‍රය සදහටම බිඳිලා යනවා. අතීතයේ වේදනාවන්ට ආදරයෙන් සමාව දීලා, ඔයාගේ සැබෑ වටිනාකම ඔයාම තේරුම් ගන්න. 

ඔයාගේ ශක්ති මට්ටම වෙනස් වෙද්දී, ඔයාට ලැබෙන මිනිස්සුත් ඉබේම වෙනස් වෙනවා.

ඔයාගේ මේ අත්දැකීම් කියන්නේ සාපයක් නෙවෙයි යාලුවනේ. ඒක ඔයාව තවත් බලවත් කරන්න, ඔයාගේ ආත්මය සුවපත් කරන්න මේ විශ්වය දීපු දිව්‍යමය අවස්ථාවක්. ඒ නිසා අතීතයේ වැරදි වලට බයවෙලා හැංගෙන්න එපා.

ඔයාගේ වටිනා ශක්තිය ආරක්ෂා කරගන්න, ඔයාගේ ආලෝකය ඔයා වෙනුවෙන්ම තියාගන්න! 🌌🧲

"මම මගේ අතීතයේ වේදනාවන් සුවපත් කරගෙන, නිවැරදි දේවල් ආකර්ෂණය කරගන්නවා!" කියලා 100% ක් හදවතින්ම විශ්වාස කරන අය, පහළින් "මම නිදහස්!" කියලා Comment කරලා ඔයාගේ ඒ බලවත් ශක්තිය මුළු ලෝකයටම මුදා හරින්න.

කිසිම හේතුවක් නැතුව එකම විදියේ ප්‍රශ්න වල හිරවෙලා, තමන්ගේ අවාසනාව කියලා හිතලා අඬන ඔයාගේ ආදරණීයයන්ට (විශේෂයෙන්ම ඔයාගේ ඒ ළඟම යාළුවාට) මේ විශ්වීය රහස වටහා දෙන්න මේ ලිපිය දැන්ම Share කරන්න! ❤️👇

#Essenza1111  #RepeatingPatterns #SubconsciousMindPower #EnergyHealing #QuantumPhysics #MentalPeace #TraumaHealing #InnerChildHealing #AuraCleansing

 දෙමව්පියන් ටොක්සික් නම් ඒ දරුවන්ට ඉස්සරහට යන්න පුදුම අමාරුයි ! 

තමන්ගේ දරුවන්ව තේරුම් ගන්න තමන්ගෙ දරුවන්ට ආදරය කරන දෙමව්පියන් අතරේ..

සමහර දෙමව්පියන් ඉන්නවා දරුවන්ට පුදුම තරම් ටොක්සික්..

දෙමව්පියන් ටොක්සික් වෙන අවස්ථා කියන්නද !

- තමන්ගේ දරුවන්ව පහත් කරන දෙමව්පියන්..

තමන්ගේ දරුවන්ට කිසිම මොළයක් නැහැ මෝඩයන් කියලා හිතන දෙමව්පියන්. නිතරම තමන්ගේ දරුවන් කිසිම දෙයක් කරකියා ගන්නට බැරි අය විදියට දකින දෙමව්පියන්..

- තමන්ගේ දරුවන්ගේ අතේ නිතරම සල්ලි තියෙන්න ඕනේ කියලා හිතන දෙමව්පියන්. ඒ කියන්නේ මෙහෙමයි. හැමෝටම අමාරු කාලයක් එනවා. ඒත් සමහර දෙමව්පියන් හිතනවා..

මෙයාලට අමාරු කාල එන්නේ නැහැ මෙයාලගේ අතේ හැමදාම සල්ලි තියෙනව කියල. එතකොට එයාලා තමන්ට සල්ලි නැහැ කියලා කිව්වොත් ඒගොල්ලො හිතනවා , දෙමව්පියන්ට දෙන්නේ නැතුව මේගොල්ලො වෙන අයට වියදම් කරනවා කියලා. ඒත් ඇතැම් විට ඒ අය කරන දේවල් වලත් අමාරු කාල ඇවිල්ල කියලා එයාලා තේරුම් ගන්නේ නැහැ. පුළුවන් තරම් එයාලව සැක කරමින් එයාලව මානසිකව වට්ටනවා...

- සාප කරන දෙමව්පියන්. දෙමව්පියන් දරුවන් අතර ප්‍රශ්න ඇතිවෙනවා. ඒත් පොඩ්ඩක් ඇත්නම් සාප කරන දෙමවුපියන් කියලා කියන්නේ ඇත්තටම දරුවෙක්ට ලැබෙන්න පුළුවන් නරකම හමුවීමක්. සමහර දෙමව්පියන් දරුවෝ ඉස්සරහ ඒ දරුවන්ට සාප කරනවා. සමහර වෙලාවට පිටස්තර මිනිස්සු කියනවා ඒ සාපයන් හදවතින්ම කරන ඒවා නෙමෙයි කියලා. ඒත් ඇත්තටම සාපයක් කියලා කියන්නේ බොහොම රිනාත්මක දෙයක්. ඒක අර දරුවන්ගේ හිතට බොහෝම දැනෙනවා..

- අනිත් අයත් එක්ක සංසන්දනය කරන දෙමව්පියන්. හැම දරුවෙක්ම එක හා සමාන නැහැ. සමහර දරුවන් පුදුමාකාර දුක් ගිනි අතරින් තමයි ඉස්සරහට යන්නේ. ඒත් ජීවිතේ අත් නොහැර ඒ තරමට හරි ඉදිරියට එන ඒ දරුවන්ගේ ජීවිතවල ලස්සන දකින්නේ නැහැ සමහර දෙමව්පියන්. ඒ දරුවන්ව පුදුමාකාර විදියට අනිත් අයත් එක්ක සංසන්දනය කරනවා...

- අගය කිරීමක් නැති දෙමව්පියන්. විවේචනය විතරයි. තමන්ගේ දරුවන්ගේ එක හොඳක් හෝ දකින්නේ නැහැ.. ඒ වගේම..

සමහර දෙමව්පියන් , එක් කෙනෙක්ගෙ එක දෙයක් අගය කරද්දී තවත් කෙනෙක් කරන දහසකුත් කැපවීම් දකින්නේ නැහැ. කොයිතරම් දේවල් අතීතයේ කරල තිබුනත් ඒ දේවල් එක තත්පරයෙන් අමතක කරලා විවේචනය විතරක්ම දෙනවා..

- නැගීම් විතරයි ජීවිතයේ තියෙන්නේ කියලා හිතන දෙමව්පියන්... කිසිම වැටීමක් වෙන්න බෑ කියලා හිතෙන දෙමව්පියන්. ඒ කියන්නේ සමහර දෙමව්පියන් හිතනවා ඒගොල්ලන්ගේ දරුවන්ට ප්‍රශ්න නෑ කියලා. එයාලා හිතනවා.. අනිත් අය වගේම මෙයාලටත් ඉහළට විතරක්ම යන්න පුළුවන් කියලා. ඒ නිසාම අනවශ්‍ය විදිහට පීඩාවට පත් කරනවා...

- පුළුවන් කාලේ පුළුවන් තරම් දෙමව්පියන්ට සලකපු දරුවෝ බැරි කාලේ ටිකක් නිශ්ශබ්ද වෙද්දී.. කියන්න පුළුවන් හැම කතාවක්ම කියන දෙමව්පියන්.. අතීතය අමතක කරන දෙමව්පියන්..

දෙමව්පියන් කරපු කැපකිරීම් වගේම සමහර දරුවනුත් එයාලා වෙනුවෙන් කැපකිරීම් කරලා තියෙනවා. ඒත් මෙවැනි දෙමව්පියන් බොහෝම ඉක්මනට ඒ දේවල් අමතක කරලා, එක වැරැද්දක් අල්ලගෙන දරුවන්ට ජීවිත කාලෙම එක එක දේවල් කියනවා. 

- දරුවන්ගේ දක්ෂතා දකින්න බැරි දෙමව්පියන්. කොයි තරම් දේවල් කරත් මදියි කියල හිතන දෙමව්පියන්. කොයි තරම් ඉහළින් හිටියත් ඒත් ඒ දේත් මදියි කියලා හිතන දෙමව්පියන්...

සමහර වෙලාවට අපි නොදන්නවා උනාට මේ සමාජයේ ටොක්සික් දරුවෝ වගේම ටොක්සික් දෙමව්පියනුත් ඉන්නවා..

දරුවන්ට ඕනෙ කරන්නේ කතා කරලා..

තමන්ව තේරුම් ගන්න දෙමව්පියෝ..

නිතරම විවේචනය කරමින් තමන්ව ඇද වට්ටන දෙමව්පියන් නෙමෙයි...

ඒ දරුවන්ව හරියට තේරුම් ගන්නේ නැතුව හොයන්නෙ බලන්නේ නැතුව එක පාරට චෝදනා කරන දෙමව්පියන් නෙමෙයි...

-Gumiho's Diary-

 "මෙම සටහනෙහි ප්‍රධාන අරමුණ සමාජයේ තරුණ තරුණියන් ධර්ම මාර්ගයට ප්‍රවිෂ්ට කර ගැනීමයි". බුදුවරුන්ගේ දර්ශනයට අනුව ලිංගික ඉන්ද්‍රියන් වලට වඩා මිනිසාගේ භවය නිර්මාණය වීමට උපකාරී වන ආධ්‍යාත්මික ආයතන ලෙස ඇස, කන, නාසය, දිව, ශරීරය, මනස හඳුන්වයි. ප්‍රජනක පද්ධතිය ශරීරයට අයත් එක් ඉන්ද්‍රියක් පමණක් වන අතර එය අනෙකුත් පංච ඉන්ද්‍රියන් මෙන් ආධ්‍යාත්මික ස්වභාවයක්ද නොගනී.  බුදුවරු එය විශේෂ කොට සලකා නැත. එයට හේතුව ප්‍රජනක  පද්ධතිය හරහා සෘජුව "පටිච්චසමුප්පාදය සහ පංච උපාදානස්කන්ධය" නිර්මාණය නොවීමයි. බුදුවරුන්ගේ දර්ශනයට අනුව සරලව විමසා බලමු.

ලිංගිකත්වය තුළින් මිනිසාට දැඩි හානියක් වනවා නම් පංච ඉන්ද්‍රියන් වලට ප්‍රජනක පද්ධතිය බුදුවරු විසින් අනිවාර්යෙන්ම අන්තර්ගත කළ යුතුමය. බුදුවරුන්ගේ දර්ශනය යනු සියල්ලන්ටම සමබර ජීව විද්‍යාත්මක දර්ශනයකි. බුදුවරු Priority එකක් දී ඇත්තේ කාමයෙහි වරදවා හැසිරීම සහ අධර්ම රාගය පිළිබඳව පමණි. බුදුවරුන්ගේ දර්ශනයට අනුව වර්තමාන භවය නිර්මාණය වන්නේ පංච ඉන්ද්‍රියන් හරහාය. ශරීරයට ප්‍රජනක පද්ධතිය ඇතුලත් වන අතර ඒ පිළිබඳව විශේෂ කොට සලකා නැත. 

අපි හිතමුකෝ තරුණ කෙනෙක් මාරම කට්ටක් කාල බඹසර සිල් රකිනව. එය සාර්ථක නම් සාදු සාදු. නමුත් testosterone වැනි හෝර්මෝන් වල ප්‍රතිශතය වැඩි කෙනෙක් බඹසර සීලය ආරක්ෂා කිරීමට උත්සාහ කළහොත් එය අනවශ්‍ය පීඩනයක්. ඇතැම් විට සියල්ලන් සමග ඔහුට ද්වේශයක් ඇතිවෙන්න පුළුවන්. බුදුවරුන්ගේ දර්ශනයට අනුව රාගය යනු සත්වයා සෘජුව සතර අපාගත කරන අකුසලයක් නොවේ. කාමයෙහි වරදවා හැසිරීම, අධර්ම රාගය සහ අන්‍යයන්ට දැඩි පීඩා සහිතව හැසිරීම ඇරුණු කොට අනෙකුත් රාගික ක්‍රියා නිසා පුද්ගලයා සතර අපාගත නොවන බව බුදුවරු දේශනා කරනව. "රාගය අල්ප වූ අකුසලයක්" යනුවෙන් බුදුවරු දේශනා කරනව.

නමුත් ද්වේශය සහ මෝහය පිළිබඳව බුදුවරුන්ගේ දේශනාව බොහෝ වෙනස්ය. සත්වයා සෘජුව සතර අපාගත වීමට තරම් ප්‍රබල චෛතසිකයක් ලෙස ද්වේශය සහ මෝහය බුදුවරු විසින්  හඳුන්වනව. සියල්ලන්ගේම අවධානය ඇත්තේ ලිංගිකත්වය තුළ පමණි. බුදුවරුන්ගේ විග්‍රහයට අනුව ද්වේශය සහ මෝහය මහත් වූ අකුසල කර්මයකි. බඹසර සීලය නිසා කෙනෙක්ට ද්වේශය ඇතිවනවා නම් එය ප්‍රශ්නයක් නොවේද ? තර්ක නොකොට බුද්ධ වචනයට අනුව විමසා බලන්න. මිනිසා තුළ පටිච්චසමුප්පාදය නිර්මාණය වන්නේ ඇස, කන, නාසය, දිව, ශරීරය හරහාය. ලිංගිකත්වය යනු ස්පර්ශ කාමයට අයත් සුළු කොටසකි. එය විවිධ ආගමික සංස්ථාවන්ට අවශ්‍ය ආකාරයට බලහත්කාරයෙන් පාලනය කළ යුතු දෙයක් නොවේ. 

තරුණ තරුණියන්ට අවශ්‍ය වන්නේ අනවශ්‍ය භීතියක් වෙනුවට ලිංගික අධ්‍යාපනය සහ ආරක්ෂාවයි. ලිංගිකත්වය පාලනය කරන විවිධ සීල වෘත හරහා මිනිසා කන කට්ට ඇස, කන, නාසය, දිව, යන ආධ්‍යාත්මික ඉන්ද්‍රියන් ආරක්ෂා කර ගැනීමට මොහොතක් හෝ වැය කලාද ? බුදුවරුන්ගේ දර්ශනයට අනුව රූප, වේදනා, සංඥා, සංඛාර, විඤ්ඤාණ යන පංච උපාදානස්කන්ධයන් පහළ වන්නේ පංච ඉන්ද්‍රියන් හරහාය. "රමණය" යනු කාය විඤ්ඤාණයට, ස්පර්ශ කාමයට අයත් එක් කොටසක් පමණි. ස්ත්‍රියගේ හෝ පුරුෂයාගේ ලිංගික ඉන්ද්‍රියන් තුළින් සෘජුව පංච උපාදානස්කන්ධය හෝ පටිච්චසමුප්පාදය පහළ වන බව බුදුවරුන් කොතැනකවත් දේශනා කොට නැත.

රමණයේදී කාය විඤ්ඤාණය හරහා සිත් උපදින බව සත්‍යයකි. රමණය හෝ වෙනත් දෙයක් මිනිසා විසින් ක්‍රියාවට නගන්නේ දිනකට කිහිප වතාවක් පමණි. නමුත් ඇස, කන, නාසය, දිව හරහා ගන්නා අරමුණු වලින් භවය නිර්මාණය වන්නේ අධික වේගයකිනි. ව්‍යාපාර ලෝකය පවා නිර්මාණය වී ඇත්තේ පංච කාමයට ගැලපෙන පරිදිය. ලිංගිකත්වයට අවධානය යොමු වී ඇති නිසා මිනිසාට අනෙකුත් ආධ්‍යාත්මික ඉන්ද්‍රියන් පිළිබඳව හැඟීමක් නැත. ශරීරයට දැනෙන සීත, උෂ්ණ, කායික වේදනා, කායික සැප සේම රමණය යනු ද එක්තරා කුඩා කොටසකි. 

ලිංගිකත්වයේදී මිනිසාට අවශ්‍ය වන්නේ ශිෂ්ටත්වය සහ ආරක්ෂාවයි. එසේත් නැතහොත් කිනම් හෝ පුද්ගලයකුට අවශ්‍ය ආකාරයට බලහත්කාර මානසික පීඩනයක් සහිත පාලනයක් නොවේ. බුදුවරුන්ගේ විද්‍යාත්මක දර්ශනය යනු මිනිසාගේ ජෛව විවිධත්වයට සහ මනෝ විද්‍යාවට අදාල ඉන්ද්‍රිය පද්ධතිය හා සෘජුව සම්බන්ධ දහමකි. එය ඕනෑම සමාජ මට්ටමකට ගැලපේ. ගෝත්‍රික දර්ශනයක් නොවේ. බුදුවරුන් විසින් මිනිසාගේ සොඳුරු හැඟීම් බලහත්කාරයෙන් මරා දැමීම සිදුකර නැත. ස්වයං ශික්ෂණය යනු මිනිසාට ආධ්‍යාත්මික අවබෝධය සමඟ නිරායාසයෙන් ඇති වන තත්වයකි. කවදා හෝ දැනී තිබේද අවශ්‍ය දෙයක් අනවශ්‍ය ආකාරයට පාලනය කිරීම නිසා පාලනය කිරීමට අත්‍යවශ්‍යම දේ මිනිසාට මගහැරී ඇති බව.  ස්වයං ශික්‍ෂණය සහ නිර්වාණය යනු බලහත්කාරයෙන් අවබෝධ කර ගත හැකි ස්වභාවයක් නොවේ.

අධික ලිංගික හැඟීම් හෝ වෙනත් තත්ත්වයක් පාලනය කර ගැනීමට අවශ්‍ය වන්නේ ධර්මය තුළින් එය filter කර බැලීමයි. එයට ධර්ම කරුණු දැනගත යුතුය. එය කළ හැක්කේ අවබෝධයෙන් පමණි. බුදුන් වහන්සේගේ දර්ශනයට අනුව මෙසේ විමසා බලමු.

අංගුත්තර නිකායේ ඒකක නිපාතයේ ආරම්භක සූත්‍ර කිහිපයක බුදුන් වහන්සේ ස්ත්‍රිය හා පුරුෂයා අතර ඇති බලවත් මානසික බැඳීම පිළිබඳ ඉතා සංක්ෂිප්ත නමුත් ගැඹුරු විග්‍රහයක් ඉදිරිපත් කරයි. බුදුන් වහන්සේ මෙසේ වදාළහ.

"න භික්ඛවේ අඤ්ඤං එකරූපම්පි සමනුපස්සාමි යං එවං පුරිසස්ස චිත්තං පරියාදාය තිට්ඨති යථයිදං භික්ඛවේ ඉත්ථිරූපං."

"මහණෙනි, පුරුෂයෙකුගේ සිත මෙතරම් ග්‍රහණය කරගෙන, අල්ලාගෙන, වසඟ කරගෙන පවතින වෙනත් කිසිදු රූපයක් මම නොදකිමි. එනම් ස්ත්‍රියකගේ රූපයයි." ඉන්පසු බුදුන් වහන්සේ එම කරුණම ස්ත්‍රියකගේ ශබ්දය, ස්ත්‍රියකගේ ගන්ධය, ස්ත්‍රියකගේ රසය, ස්ත්‍රියකගේ ස්පර්ශය. පිළිබඳවත් දේශනා කරයි. ඉන් පසු එහි ප්‍රතිවිරුද්ධ පැත්තද දක්වයි. "ස්ත්‍රියකගේ සිත පුරුෂයෙකුගේ රූපය තරම් අන් කිසිවකින් වසඟ නොවේ." යනුවෙන් පුරුෂ රූපය, ශබ්දය, ගන්ධය, රසය සහ ස්පර්ශය පිළිබඳවද එලෙසම දේශනා කරති.

"චිත්තං පරියාදාය තිට්ඨති" යනුවෙන් අදහස් කරන්නේ කුමක්ද ? අට්ඨකථාවේ එය විස්තර කරයි. සිත අල්ලා ගනී, සිත යටත් කර ගනී, සිත තමන් වෙත ඇද ගනී, විචාර ශක්තිය දුර්වල කරයි, යන අර්ථයෙනි. එනම් රාගය උපන් විට පුද්ගලයාගේ සිත නැවත නැවතත් එම අරමුණ වෙත දිව යයි.

මෙම දේශනාවේ අරමුණ ස්ත්‍රීන් හෝ පුරුෂයන් වරදවා දැක්වීම නොවේ. බුදුන් වහන්සේ පෙන්වා දෙන්නේ, කාමරාගය ඇතිවන්නේ කෙසේද ? සිත බැඳෙන්නේ කෙසේද ? සංසාරය දිගු වන්නේ කෙසේද ? යන්නයි. ලෝකයේ බොහෝ බැඳීම්, විවාහ, පවුල් ජීවිත, ප්‍රේම සම්බන්ධතා සහ ඒවා නිසා ඇතිවන සතුටත් දුකත් පදනම් වී ඇත්තේ මෙම රූප, ශබ්ද, ගන්ධ, රස සහ ස්පර්ශ යන කාම අරමුණු මත බව බුදුන් වහන්සේ මෙහිදී පෙන්වා දෙයි.

පුරුෂයාට ස්ත්‍රිය ප්‍රබල කාමාරම්මණයකි. ස්ත්‍රියට පුරුෂයා ප්‍රබල කාමාරම්මණයකි. මෙම ආකර්ෂණය ජීව විද්‍යාත්මක පමණක් නොව මානසික හා කර්මානුරූප සංසාරික බැඳීමක් ද වේ. කාමරාගය ප්‍රහීණ නොකළ තාක් දුරට සිත එම අරමුණු මගින් නැවත නැවතත් ආකර්ෂණය වෙයි. ඒ නිසාම බුදුන් වහන්සේ වෙනත් සූත්‍රවල කාමයන් පිළිබඳ දේශනා කරයි.

"කාමය යනු බාහිර වස්තූන් නොව, ඒවා කෙරෙහි ඇති රාගසංඥාව සහ තෘෂ්ණාවයි." මෙම ඒකක නිපාත සූත්‍ර මගින් බුදුන් වහන්සේ ඉතා පැහැදිලිව පෙන්වා දෙන්නේ, ලෝකයේ ස්ත්‍රිය හා පුරුෂයා අතර ඇති අධික බැඳීමේ මූලය වන්නේ පංචකාම ගුණයන් කෙරෙහි ඇති රාගය බවයි. එය සාමාන්‍ය පුද්ගලයාගේ සිත "පරියාදාය තිට්ඨති"  සම්පූර්ණයෙන් ග්‍රහණය කරගෙන පවතින බලවත් මානසික ශක්තියක් ලෙස දේශනා කර ඇත. දැනුවත් භාවය සහ ධර්ම දානයක් පිණිස බෙදා හරින්න.

#අංගුත්තරනිකායඒකකනිපාතයඅට්ඨකථාධර්මදානයක්මවේවා

 ඔබ ගැන ඔබට කවදාවත් සම්පූර්ණයෙන්ම, තේරුම් ගන්න බැරි කරුණු 9ක් 👁️✨

01....

ඔබව සම්පූර්ණයෙන්ම බිඳලා දමයි කියලා හිතපු, දේවල්වලින් පවා ඔබ බේරිලා තියෙනවා. 💪

ඔබට ජීවිතේ දරාගන්නම බැරි වුණු, 

කොහොමද මේකෙන් ගොඩ එන්නේ කියලා, හිතාගන්න බැරි වුණු රාත්‍රීන් තිබුණා. 🌃 

හැබැයි අද ඔබ මෙතන ඉන්නවා. 🩹 

ඔබේ ඒ ශක්තිමත්කම ඔබටම,

සාමාන්‍ය දෙයක් වෙලා නිසා,

ඔබ ඇත්තටම කොච්චර පුදුමාකාර,

කෙනෙක්ද කියලා ඔබටම අමතක වෙලා. 💪❤️

02....

ඔබට දැන් මතකවත් නැති,

පුංචි කරුණාවන්තකමක් තවමත්,

කෙනෙක්ගේ හදවතේ ජීවත් වෙනවා. 💝

ඔබට ඒ වෙලාවේ සාමාන්‍ය දෙයක් වුණු දෙයක්, තවත් කෙනෙක්ගේ ජීවිතේ අමාරුම කාලෙක, ඔවුන්ට ලැබුණු ලොකුම ශක්තිය වෙන්න ඇති. 🤝

03....

ඈත ඉඳන් නිහඬව ඔබ දිහා බලාගෙන,

ඔබේ ජීවිතෙන් ආදර්ශයක් ගන්න,

කෙනෙක් ඉන්නවා. 😇

ඔබ හැමදේම දරාගෙන ඉස්සරහට යන විදිහ, ප්‍රශ්න මැද ජීවිතය ගොඩනගාගන්න විදිහ සහ, අතනොඇර උත්සාහ කරන විදිහ...

ඔබ කවදාවත් දැකලා නැති මිනිස්සුන්ට පවා, ලොකු බලාපොරොත්තුවක් දෙනවා. 🚶‍♂️🌟

04....

ඔබ නැති තැනක කවුරුහරි,

ඔබ වෙනුවෙන් කතා කරලා තියෙනවා. 🤗

කවුරුහරි ඔබට දෝෂාරෝපණය කරද්දී,

හැමෝම නිහඬව ඉන්නේ නැහැ. 🤫 

ඔබේ චරිතයට සහ ගතිගුණවලට ගරු කරන, ඔබ නැති තැනත් ඔබව,

ආරක්ෂා කරන මිනිස්සු තවමත් ඉන්නවා. 🛡️😇

05....

ඔබ දන්නෙම නැති කතාබහවල,

ඔබේ නම සඳහන් වෙනවා. 🤔

සමහරවිට ලොකු අගය කිරීමකින්... 🥰

සමහරවිට කෘතඥතාවයකින්... 🙏

සමහරවිට ආදරයකින්... ❤️

ඔබ හිතනවාට වඩා,

සමහර මිනිස්සු ඔබ ගැන හිතනවා. 💭

06....

ඔබ කතා කරනවා අහගෙන ඉන්න,

ඇත්තටම ආස කරන කෙනෙක් ඉන්නවා. 😍

ඔබේ කතන්දර, ඔබේ හිනාව,

ඔබ දේවල් දිහා බලන විදිහ සහ,

ඔබේ ළඟ සිටීම... මේ හැමදේකින්ම,

ඔවුන්ට ලොකු සැනසීමක්,

සහ සැහැල්ලුවක් දැනෙනවා. 🗣️👂😊

07....

දවසක් සම්පූර්ණයෙන්ම,

නන්නාඳුනන කෙනෙක් ඔබ දිහා බලාගෙන,

එයා හරිම ලස්සනයි / ප්‍රියමනාපයි කියලා, හිතන්න ඇති. 🥰

ඔබේ හිනාව, ඔබේ ආත්මවිශ්වාසය,

නැත්නම් ඔබේ පෙනුම විතරක් වුණත්, කෙනෙක්ගේ දවස ලස්සන කරන්න ඇති,

ඒත් ඔබ ඒක කවදාවත් දන්නේ නැහැ. 😁✨

08....

ඔබේ මැසේජ් එකක් ෆෝන් එකට එනකොට සතුටින් හිනාවෙන කෙනෙක් ඉන්නවා. 🤩

ඔවුන් ඒක ඔබට කෙළින්ම නොකිව්වත්,

ඔබේ මැසේජ් එකක්,

ඔවුන්ගේ දවසට ලොකු සතුටක්,

සැනසීමක් හෝ උද්යෝගයක් ගේනවා. 📱 

ඔවුන්ට ඒ දෙය ඇති හදවතින්ම සිනාසෙන්න. ❤️

09....

කවුරුහරි ඔබ හිතනවාට වඩා ගොඩක් ගැඹුරින්, ඔබට රහසින් ආදරය කරනවා. 💕

හැම ආදරයක්ම,

වචන වලින් කියවෙන්නේ නැහැ. 🤐 

හැම හැඟීමක්ම පිටතට පේන්නෙත් නැහැ. 💔 

සමහර හදවත්වල තියෙන හැඟීම්,

ඔබට කියන්න ඔවුන්ට කවදාවත්,

ධෛර්යයක් ලැබෙන්නේ නැතුව ඇති. 🫣💘

#ඇත්තම කතාව නම් 💡

ඔබ ඔබව දකින්නේ ඇතුළාන්තයෙන්,

හැබැයි අනිත් අය ඔබව දකින්නේ බාහිරින්,

ඒ නිසා ඔබට ඔබේ බලපෑම කවදාවත්, සම්පූර්ණයෙන්ම තේරුම් ගන්න බැහැ. 🗺️🎨

ඔබ ස්පර්ශ කරපු සමහර ජීවිත... 🌱

ඔබ උදව් කරපු සමහර හදවත්... 💖

ඔබ දිරිමත් කරපු සමහර මිනිස්සු... 🌈

ඔවුන් ඔබේ ජීවිතයට,

කොච්චර වටිනවද කියලා,

ඔබට කවදාවත්,

කෙළින්ම කියන එකක් නැහැ. 🤫✨

#ChathurangaLakmal🇱🇰

 සතුන්ට හිංසා කරන විට ඔබට අධික ලෙස කේන්ති යනවාද? මෙන්න හේතුව 🐾 

සතෙකුට පොඩි හිරිහැරයක් කරනවා දැක්කත් ඔබේ ලේ රත් වෙනවාද? පාලනය කරගත නොහැකි තරම් අධික කෝපයක් සහ කණගාටුවක් සිතට දැනෙනවාද?

බොහෝ දෙනෙක් සිතන්නට පුළුවන් ඔබ අනවශ්‍ය ලෙස කේන්ති ගන්නා කෙනෙක් කියා. නමුත් ඇත්තම කතාව ඒක නෙවෙයි. මනෝවිද්‍යාත්මකව සහ සාමාජීයව බැලූ විට, එවැනි ගුණාංගයක් පිහිටන්නේ ඉතාමත් සුවිශේෂී මිනිසුන්ටයි.

 ඔබ කවුදැයි හඳුනාගන්න

🩷උපරිම සංවේදීතාව 

ඔබට රිදෙන්නේ ඔබේ තුවාල විතරක් නෙවෙයි. තමන්ගේ දුක කියන්න තේරෙන්නේ නැති, අසරණ සතුන්ගේ වේදනාව ඒ අයුරින්ම ඔබේ හදවතට දැනෙනවා.

🩷යුක්තිගරුක බව 

ඔබ අයුක්තිය, අසාධාරණය සහ බලවතුන් විසින් දුර්වලයන්ව පෑගීම කිසිසේත්ම අනුමත නොකරන, සමාජයේ සාධාරණත්වය උපරිමයෙන්ම අගය කරන කෙනෙක්.

🩷සැබෑ මනුෂ්‍යත්වය

තමන්ගෙන් පෙරළා උදව්වක් බලාපොරොත්තු විය නොහැකි සතෙකු වෙනුවෙන් පෙනී සිටීම සැබෑ මනුෂ්‍යත්වයේ උසස්ම ලක්ෂණයයි.

ඔබේ මේ සංවේදීතාවය සහ යුක්තිගරුක බව දුර්වලකමක් නෙවෙයි, එය ලෝකයට ඉතාමත් වටිනා ආභරණයක්. හැබැයි ඒ කෝපය ඔබේ මානසික සුවයට හානි කරගන්න ඉඩ දෙන්න එපා. ඒ කෝපය, සතුන් වෙනුවෙන් ආදරය සහ රැකවරණය දක්වන සුබසාධන වැඩපිළිවෙළක් සඳහා ධනාත්මක ශක්තියක් කරගන්න.

ඔබත් මෙවැනි කෙනෙක් නම්, කමෙන්ට් එකකින් අදහස් දක්වන්න ❤👇

#SmartAdvisor #Empathy #AnimalLovers #Justice #Humanity #MentalWellbeing #AnimalRights #Compassion #SriLanka #SinhalaQuotes #Inspirational #PositiveVibes #EmpathLife #SpeakForTheVoiceless

 ආදරය සහ ලිංගිකත්වය අතර පවතින සැබෑ සබැඳියාව කුමක්ද සහ ආදරණීය සබඳතාවයක පැවැත්ම සඳහා ලිංගිකත්වය අත්‍යවශ්‍යම සාධකයක්ද යන්න මනෝවිද්‍යාව, ජීව විද්‍යාව මෙන්ම පරිණාමීය විද්‍යාව තුළද දීර්ඝ කාලයක සිට ගැඹුරින් සාකච්ඡාවට බඳුන් වන මාතෘකාවකි. බැලූ බැල්මට මේ දෙක එකිනෙක බද්ධ වූ තනි සංකල්පයක් ලෙස සමාජය විසින් අර්ථකථනය කරනු ලැබුවද, මනෝවිද්‍යාත්මක දෘෂ්ටිකෝණයකින් බලන කල ආදරය සහ ලිංගිකත්වය යනු මිනිස් මනසේ වෙනස්ම මට්ටම් දෙකක ක්‍රියාත්මක වන, එකිනෙකට වෙනස් වූ චිත්තවේගීය සහ ජීව විද්‍යාත්මක අවශ්‍යතා දෙකකි. මේ නිසාම, යම් සබඳතාවයකට ලිංගිකත්වය කෙතරම් දුරට බලපාන්නේද යන්න තීරණය වන්නේ අදාළ පුද්ගලයන්ගේ මනෝවිද්‍යාත්මක පරිණතභාවය, ඔවුන්ගේ පෞරුෂත්ව ලක්ෂණ සහ ඔවුන් සබඳතාවයකින් අපේක්ෂා කරන දේ මතය.

මෙම සබඳතාවය වඩාත් විද්‍යාත්මකව තේරුම් ගැනීමට නම්, මොළය තුළ සිදුවන රසායනික ක්‍රියාවලිය දෙස බැලිය යුතුය. ලිංගික ආකර්ෂණය සහ ආශාව ඇති වන්නේ ප්‍රධාන වශයෙන් 'ටෙස්ටොස්ටෙරෝන්' (Testosterone) සහ 'ඊස්ට්‍රජන්' (Estrogen) වැනි හෝමෝන මඟින් වන අතර, එය මිනිසාගේ මූලික ජීව විද්‍යාත්මක පැවැත්ම සහ වර්ගයා බෝ කිරීමේ පරිණාමීය අවශ්‍යතාවය මත පදනම් වේ. නමුත් සැබෑ ආදරය, බැඳීම සහ ආරක්ෂිත හැඟීම නිර්මාණය වන්නේ 'ඔක්සිටොසින්' (Oxytocin) සහ 'ඩොපමයින්' (Dopamine) වැනි රසායනිකයන්ගේ ක්‍රියාකාරීත්වය නිසාය. ලිංගික එක්වීමකදී ද මෙම ඔක්සිටොසින් හෙවත් "බැඳීම් හෝමෝනය" විශාල වශයෙන් ශ්‍රාවය වන බැවින්, ලිංගිකත්වය හරහා දෙදෙනෙකු අතර පවතින ආදරණීය සහ චිත්තවේගීය බැඳීම වඩාත් තහවුරු වන බව මනෝවිද්‍යාඥයෝ පෙන්වා දෙති.

මනෝවිද්‍යාඥ රොබට් ස්ටර්න්බර්ග්ගේ "ආදරයේ ත්‍රිකෝණාකාර න්‍යාය" (Sternberg's Triangular Theory of Love) ඇසුරින් ද මෙම තත්ත්වය මනාව පැහැදිලි කළ හැකිය. ඔහුට අනුව පරිපූර්ණ ආදරයක් ගොඩනැගීමට සාධක තුනක් අවශ්‍ය වේ: එනම් සමීපභාවය (Intimacy), කැපවීම (Commitment) සහ රාගය හෙවත් ආශාව (Passion) යි. මෙහිදී ලිංගිකත්වය නියෝජනය කරන්නේ 'රාගය' නමැති කොටස වුවද, සබඳතාවයක දිගුකාලීන පැවැත්ම සහ ස්ථාවරත්වය තීරණය වන්නේ සමීපභාවය සහ කැපවීම මතය. රාගය හෝ ලිංගිකත්වය පමණක් පවතින තැනක දිගුකාලීන ආදරයක් බලාපොරොත්තු විය නොහැකි සේම, ලිංගිකත්වය නොමැති වුවද අන්‍යෝන්‍ය අවබෝධය, ගෞරවය සහ කැපවීම පවතින සබඳතා ඉතා සාර්ථකව පවත්වාගෙන යාමට මිනිසාට පුළුවන.

කෙසේ වුවද, බොහෝ සාමාන්‍ය සබඳතාවලදී ලිංගිකත්වය යනු හුදෙක් ශාරීරික අවශ්‍යතාවයක් සපුරා ගැනීමට එහා ගිය, එකිනෙකා කෙරෙහි පවතින විශ්වාසය සහ සමීපභාවය ප්‍රකාශ කරන ප්‍රබල සන්නිවේදන මාධ්‍යයකි. වචනවලින් ප්‍රකාශ කළ නොහැකි ගැඹුරු ආදරණීය හැඟීමක් සහ සහකරු තමන්ට පමණක් සීමා වී ඇතැයි යන "ආරක්ෂිත බැඳීම" (Secure Attachment) තහවුරු කිරීමට ශාරීරික ස්පර්ශය සහ ලිංගිකත්වය උපකාරී වේ. සබඳතාවයක ලිංගික සන්නිවේදනය දුර්වල වන විට හෝ එය සම්පූර්ණයෙන්ම ගිලිහී යන විට, ඇතැම් පුද්ගලයන් තුළ තමන්ව සහකරු විසින් ප්‍රතික්ෂේප කරනු ලැබ ඇතැයි යන අවිශ්වාසය සහ අනාරක්ෂිත හැඟීම නිර්මාණය විය හැකි අතර, එය කාලයත් සමඟ සබඳතාවයේ සමීපභාවය පලුදු වීමට හේතු විය හැකිය.

නමුත් මනෝවිද්‍යාත්මක පර්යේෂණ පෙන්වා දෙන්නේ ලිංගිකත්වය සබඳතාවයකට අත්‍යවශ්‍යද නැද්ද යන්න පුද්ගලයාගෙන් පුද්ගලයාට සම්පූර්ණයෙන්ම වෙනස් වන බවයි. නිදසුනක් වශයෙන්, "අලිංගික" (Asexual) අනන්‍යතාවයක් සහිත පුද්ගලයන්ට අනෙක් අය කෙරෙහි ගැඹුරු ආදරයක්, චිත්තවේගීය ආකර්ෂණයක් සහ ජීවිත කාලය පුරා පවතින කැපවීමක් ඇති කරගත හැකි වුවද, ඔවුන්ට ශාරීරිකව ලිංගිකව එක්වීමට කිසිදු ආශාවක් හෝ අවශ්‍යතාවයක් මතු නොවේ. එවැනි පුද්ගලයන් දෙදෙනෙකු අතර පවතින සබඳතාවයකදී ලිංගිකත්වය කිසිසේත්ම අත්‍යවශ්‍ය නොවන අතර, ඔවුන්ගේ ආදරයේ පදනම වන්නේ පිරිසිදු චිත්තවේගීය සහ ආත්මීය බැඳීම පමණි. මෙයින් පැහැදිලි වන්නේ ලිංගිකත්වය නොමැතිව වුවද සැබෑ ආදරය පැවතිය හැකි බවයි.

සබඳතාවයක දිගුකාලීන පැවැත්ම දෙස බලන විට, වයස්ගත වීම, රෝගාබාධ හෝ විවිධ මානසික පීඩනයන් නිසා කාලයත් සමඟ පුද්ගලයන් තුළ පවතින ලිංගික ආශාවන් සහ හැකියාවන් ස්වභාවිකවම අඩු වී යා හැකිය. එවැනි තත්ත්වයකදී සබඳතාවයේ පදනම ලෙස ලිංගිකත්වය පමණක් පැවතියේ නම්, එම ආදරය බිඳී යාමේ අවදානම ඉහළය. නමුත් ලිංගිකත්වයට එහා ගිය ගැඹුරු මිත්‍රත්වයක්, එකිනෙකා කෙරෙහි දක්වන සැලකිල්ල සහ ජීවිතයේ අභියෝගවලට සාර්ථකව මුහුණ දීමට ඇති සහයෝගිතාවය මත ගොඩනැඟුණු සබඳතා, ශාරීරික ආශාවන් ක්ෂය වී ගියද කිසිදු බාධාවකින් තොරව ශක්තිමත්ව ඉදිරියට ගලා යයි.

තවත් පැත්තකින් බලන කල, ඇතැම් සබඳතාවල ලිංගිකත්වය අධික ලෙස පැවතුනද එහි කිසිදු ආදරයක් හෝ සැබෑ බැඳීමක් නොමැති විය හැකිය. මෙය මනෝවිද්‍යාවේදී හඳුන්වන්නේ හුදෙක් ශාරීරික තෘප්තිය මත පමණක් යැපෙන ව්‍යාජ බැඳීමක් ලෙසය. ලිංගිකත්වය මඟින් මොළය තුළ තාවකාලික සතුටක් සහ ආකර්ෂණයක් මවා පෑ හැකි වුවද, සබඳතාවය තුළ අන්‍යෝන්‍ය ගෞරවය, චිත්තවේගීය සහයෝගය සහ විවෘත සන්නිවේදනයක් නොමැති නම්, එම සබඳතාවය හිස් සහ පීඩාකාරී එකක් බවට පත්වේ. එබැවින් ලිංගිකත්වය තිබූ පමණින්ම සබඳතාවයක් සාර්ථක වන්නේ හෝ එහි ආදරය පවතින්නේ නැත.

අවසාන වශයෙන්, ආදරයට ලිංගිකත්වය අත්‍යවශ්‍යද යන ප්‍රශ්නයට ඇති නිවැරදිම මනෝවිද්‍යාත්මක පිළිතුර වන්නේ, එය අදාළ සහකරුවන් දෙදෙනාගේ පොදු එකඟතාවය සහ මනෝවිද්‍යාත්මක අවශ්‍යතාවයන් මත තීරණය වන්නක් බවයි. යම් යුවළකට තම සබඳතාවයේ සමීපභාවය ප්‍රකාශ කිරීමට ලිංගිකත්වය අත්‍යවශ්‍ය යැයි හැඟේ නම්, එය ඔවුන්ට වැදගත් සාධකයකි. නමුත් තවත් යුවළකට ශාරීරික එක්වීමකින් තොරව, හුදෙක් මානසික සහ ආත්මීය බැඳීමකින් පමණක් උපරිම සතුටක් සහ ආරක්ෂාවක් ලැබිය හැකි නම්, ඔවුන්ට ලිංගිකත්වය යනු අත්‍යවශ්‍යම දෙයක් නොවේ.

ආදරය යනු ශාරීරික සීමාවන්ගෙන් ඔබ්බට ගිය, මිනිස් ආත්මයන් දෙකක් අතර ඇති වන අතිශය සුන්දර සහ ගැඹුරු බැඳීමකි. ලිංගිකත්වය යනු එම බැඳීම පෝෂණය කිරීමට බහුතරයක් දෙනා භාවිතා කරන එක් සුන්දර මෙවලමක් පමණක් මිස, ආදරයේ එකම මිනුම්දණ්ඩ හෝ පැවැත්මේ එකම කොන්දේසිය නොවේ. වැදගත්ම දේ වන්නේ බාහිර සමාජය පවසන නීතිරීතිවලට කොටු නොවී, තමන්ගේ සහ සහකරුගේ මානසික සහ ශාරීරික අවශ්‍යතාවයන් නිවැරදිව හඳුනාගනිමින්, අන්‍යෝන්‍ය ගෞරවය සහ නොසැලෙන විශ්වාසය මත පදනම් වූ අව්‍යාජ ආදරණීය සබඳතාවයක් ගොඩනඟා ගැනීමයි.❤️

Hasitha A Pramoda

මනෝවිද්‍යාත්මක උපදේශක,

පෞරුෂ සහ චිත්තවේගීය සංවර්ධන විශේෂඥ,

Psychological Guidance ,

Therapist & Mental Health Advocate.

ඔබ වෙනුවෙන් ලියමී..✍️

#MotivationSinhala #SuccessMindset #NeverGiveUp #LifeLessons #SriLanka

 ඔබේ ජීවිතේ ගත්තු අවසාන තීරණය මතකද?

ඒ තීරණය ගත්තේ ඇත්තටම "ඔබ" ද?

නැත්නම් ඔබට නොපෙනෙන හේතු දහස් ගණනක් ඒ තීරණය ඔබ තුළ ඇති කළාද?

මේ ප්‍රශ්නය මුලින්ම අහනකොට අමුතුයි වගේ දැනෙන්න පුළුවන්. මොකද අපි හැමෝම පොඩි කාලේ ඉඳන්ම විශ්වාස කරගෙන ඉන්නේ,

"මගේ ජීවිතේ තීරණ ගන්නේ මමයි."

"මට ඕනේ නම් කරනවා, ඕනේ නැත්නම් නවත්වනවා." කියලයි.

හැබැයි... ඔබ හිතන ඒ "මම" ඇත්තටම තීරණ ගන්න කෙනා නොවෙන්නත් පුළුවන්. සමහරවිට ඔබේ මුළු ජීවිත කාලය පුරාම ඔබ රැවටී සිටියේ ඉතා සියුම්, නමුත් දැවැන්ත මායාවකට වෙන්න පුළුවන්. ඔබ අතීතය ගැන පසුතැවෙන විදිහත්, අනාගතය ගැන බිය වෙන විදිහත්, අනිත් අය ගැන තරහ හිතන විදිහත්, මේ ලිපිය අවසාන වෙනකන් කියෙව්වොත්  ඔබට දැනගන්න පුලුවන් වෙයි. ඒ වගේම ඔබ මේ දුක් විදින හේතු දිහා බලන විදිය සම්පූර්ණයෙන්ම වෙනස් වෙනවා නොඅනුමානයි.

අපි සරල උදාහරණයක් බලමු.

ඔබ අද තීරණය කරනවා කියලා හිතන්න, "අද ඉඳන් මම මේ නරක පුරුද්ද නවත්තනවා" හෝ "මම මේ අලුත් වැඩේ පටන් ගන්නවා" කියලා. ඔබට හිතෙන්නේ ඒ තීරණය ගත්තේ ඔබ කියලා. නමුත් පොඩ්ඩක් ගැඹුරට හිතලා බැලුවොත් ඔබ ඒ තීරණය ගන්න කලින් මොකද වුණේ?

"සමහරවිට ඔබ ලොකු වේදනාවක් අත්විඳලා ඇති."

"සමහරවිට කෙනෙක් කියපු වචනයක් ඔබේ හිතට තදින් වැදිලා ඇති."

"සමහරවිට පොතක්, වීඩියෝවක්, දේශනයක්, නැත්නම් කලින් මේ වගේ ලිපියක් ඔබේ සිතුවිලි, දැක්ම වෙනස් කරලා ඇති."

එහෙනම් ඒ තීරණය ඇත්තටම ආවේ කොහෙන්ද? ඔබෙන්ද? නැත්නම් ඊට කලින් සිදුවුණු හේතු දහස් ගණනක එකතුවකින්ද?

හොඳින් ගැඹුරින් කල්පනා කරලා බලන්න...

ඔබේ කැමැත්ත, ඔබේ අකමැත්ත, ඔබේ බිය, ඔබේ ආශාවන්, ඔබේ විශ්වාසයන්... මේ එකක්වත් ඔබ ඉපදෙනකොට අරගෙන ආවේ නැහැනේ. ඒවා හැදුණේ ඔබ ජීවත් වූ පරිසරය, දෙමාපියන්, පාසල, සමාජය, අත්දැකීම්, මතකයන් සහ ජීවිතයේ සිදුවීම් නිසාමයි.

ඔබ අද කවුද කියන එක පවා, අතීතයේ හේතු දහස් ගණනක ප්‍රතිඵලයක් වෙලා පවතිනවා. ඔබ මේ මොහොතේ ගන්න තීරණයත්, ඒ සියලු හේතු එකට එකතු වීමෙන් ඇති වූ ඵලයක් නොවෙයිද? මේ මොහොතේ ජීවත් වීමට කලින් වූවායි සිතන සියලු හේතුන් සම්බන්ද නොවේද?

බීජයක් ගැන හිතන්න...

බීජයක් පොළොවට වැටෙනවා. වතුර ලැබෙනවා. හිරු එළිය ලැබෙනවා. පොළොවේ පෝෂණය ලැබෙනවා. ඊට පස්සේ පැළයක් මතුවෙනවා. පැළය කියන්නේ නැහැ, "මම තීරණය කළා මතු වෙන්න" කියලා. අදාළ හේතු සම්පූර්ණ වූ නිසා, එය ඉබේම මතුවෙනවා.

අපේ සිතුවිලිත්, තීරණත්, ක්‍රියාවනුත් බොහෝ දුරට ඒ වගේමයි. අදාළ හේතු එකතු වූ විට, අදාළ ප්‍රතිඵලය මතුවෙනවා.

හැබැයි මනුශ්‍යයන්ගේ පරිණාමික මොළය, ශාකයකට වඩා සංකීර්ණයි. ඒ සංකීර්ණ බව නිසාම, තීරණය ඇති වුණාට පස්සේ, මනස ඇතුළේ තියෙන "මම" කියන හැඟීම ඉස්සරහට ඇවිත් කියනවා, "ඒක කළේ මමයි... ඒ තීරණය ගත්තේ මමයි... ඒ වෙනස ඇති කළේ මමයි" කියලා.

නමුත් හොඳින් නිරීක්ෂණය කළොත් පෙනේවි, තීරණයයි මුලින්ම ඇති වෙලා තියෙන්නේ. "මම" කියන කතාව පටන් ගන්නේ ඊට පස්සේ. එතනින් එහාට ඒ කතාවෙ අයිතිය අපේ කරගන්නවා. මේ ඇත්ත ගැඹුරින් දැක්ක දවසට ජීවිතේ ලොකු බරක් බිමින් තියන්න පුළුවන්.

 "අනේ මම එදා වෙනස් තීරණයක් ගත්තා නම්..."

 "මම ඒක නොකළා නම්..."

 "මගේ ජීවිතේ මීට වඩා හොඳ වෙන්න තිබුණා..."

කියන පසුතැවීම් ටිකෙන් ටික දිය වෙලා යනවා. මොකද එදා තිබුණු හේතු, දැනුම, අත්දැකීම් සහ තත්ත්වයන් අනුව සිදු විය හැකි වූ දෙයම සිදු වුණා කියලා ඔබට වැටහෙනවා.

ඒ වගේම අනිත් අය ගැන තිබුණු තරහත් අඩුවෙන්න පටන් ගන්නවා. මොකද ඔවුනුත් ඔවුන්ගේම හේතුඵල දාමයන්ගේ ප්‍රතිඵල ලෙස ක්‍රියා කළා කියලා තේරෙන්න පටන් ගන්නවා. ඔවුන් කරලා තියෙන්නෙත් මේ අපි කරනවා වගේම හේතුඵලයන් ක්‍රියාත්මක කිරීමක්. 

ඔබ ඒක අවබෝදයෙන් ප්‍රත්‍යක්ෂ කරගත්ත දවසට, ඇතුලාන්තයෙන් එන ඒ නිවීම, ජීවිතය පාලනය කරන්න උත්සාහ කරන කෙනෙක් ලෙස නොව, ජීවිතයේ දේවල් සිදුවෙන ආකාරය අවධානයෙන් නිරීක්ෂණය කරන කෙනෙක් ලෙස ජීවත් වෙන්න ගන්නවා.

ඒ නිහඬ නිරීක්ෂණය තුළින්...

 "මම" කියන බර ටිකෙන් ටික ලිහිල් වෙනවා, පසුතැවීම අඩුවෙනවා, අහංකාරය අඩුවෙනවා  සහ අවසානයේ වැටහෙන්නේ... අපි හිතන තරම් කිසිවක් "අපේ" නොවන බවයි. 

අපේ ජීවිතේ ගෙවෙන හැම මොහොතක්ම නිර්මාණය වෙන්නේ මොකක් හරි හේතුවක් නිසා. ඒ හේතුව ඒ මොහොතේම අවසන් වෙලා යනකොට, ඒකෙන් ආපු ප්‍රතිඵලයත් එතනම නැතිවෙලා යනවා. ඊළඟ මොහොතත් එහෙමමයි. මේක නිකම්ම නිකම් ගලාගෙන යන ක්‍රියාවලියක් විතරයි. මේක ඇතුළේ ජීවත් වෙන, ස්ථිරව අල්ලගන්න පුළුවන් 'කෙනෙක්' කවදාවත් විද්‍යාමාන වීමක් නෑ.

මේ මොහොතේ සිද්ධවෙන මේ පුදුමාකාර ගලායාම, යමෙක් කිසිම අයිතිවාසිකමක් නොකියා හරියටම අවබෝධයෙන් දැක්කොත්... අන්න ඒ මොහොතේ ඔහුම මේ ලෝකේ තියෙන පරම සැනසීම, එහෙමත් නැත්නම් 'නිවන' බවට පත්වෙලා ඉවරයි!

අපි එහි හිමිකරුවන් නොවෙමු. අපි එහි නිහඬ සාක්ෂිකරුවන් පමණි.

✍️ කවුරුත් නොවන්නා | The Nobody

#සෝවාන් #nirvanahacked #බුදුදහම #AnonymousLover #philosophysrilanka #srilanka #quantumbuddhism #enlightened #buddha #buddhism

 🛑 හැම එකාම පැනික් වෙද්දී, කිසිම පීඩනයකින් සොලවන්න බැරි "යකඩ මයින්ඩ්සෙට්" එකක් හදාගන්න නීති 12ක්! 👇

ජීවිතේ කියන්නේ හැමදාම එක එක විදියේ ප්‍රෙෂර් (Pressure) එන ගේම් එකක් මචං. හැබැයි බහුතරයක් උන් කරන්නේ පොඩි ප්‍රශ්නයක් ආපු ගමන්, නැත්නම් එකෙක් කෙළවලා ගියපු ගමන් "අයියෝ මං ඉවරයි" කියලා කාමර අස්සේ ගුලි වෙලා අඬා වැටෙන එක. උඹත් ඒ වගේ හැම පොඩි දේටම මානසිකව වැටෙන දුර්වල එකෙක් නම්, මේ කුහක සමාජය උඹව පාගලා කුඩු කරලා දානවා සුවර්.

ඇත්තම පවර් එක තියෙන්නේ හැඟීම් නැති රොබෝ කෙනෙක් වෙන එකේ නෙවෙයි, ඕනෑම කුණාටුවක් මැද නොසැලී තමන්ගේ "කූල්" එක රැකගන්න පුළුවන් Emotionally Bulletproof (මානසිකව වෙඩි නොවදින) සිංහයෙක් වෙන එක ඇතුලේ. මෙන්න ඒක කරන ප්‍රායෝගික ක්‍රමය!

1️⃣ "තත්පර 90" නීතිය මොළයට බස්සගනින්! ⏱️

පාරේ යද්දී එකෙක් කැත විදියට ඉස්සර කලාම හෝ කවුරු හරි උඹට සවුත්තු කතාවක් කිව්වම එන ඒ ක්ෂණික කේන්තිය හෝ බය ඇඟ ඇතුලේ රසායනිකව පවතින්නේ තත්පර 90ක් විතරයි. ඊට වඩා උඹ දවසම මල පැනලා, වැඩත් පාඩු කරගෙන ඉන්නේ උඹේ ඔළුව අස්සෙන් ඒ සිද්ධිය ආයේ ආයේ රීප්ලේ කරමින් ඒකට සෝස් දාන හින්දයි. ඒ තත්පර 90 කට පියන් හුස්මක් ගනින්, ඒ රසායනික Surge එක නිකන්ම දියවෙලා යන්න දීපන්.

2️⃣ උඹේ ඔළුව අස්සේ මවාගන්න "ඩ්‍රාමා" නවත්තපන්! 🧠

ප්‍රශ්නය නෙවෙයි මචං සැබෑ ප්‍රශ්නය. ඒ ප්‍රශ්නය ගැන උඹ උඹේ ඔළුව අස්සේ මවාගන්න "මහා විනාශයේ කතාව" තමයි සැබෑ ප්‍රශ්නය. බිස්නස් එකක් පාඩු වුණාම හෝ ලඟම එකෙක් ද්‍රෝහි වුණාම "මගේ ලයිෆ් එකම ඉවරයි, මං අනාථයි" කියන මෝඩ සිනමාපට ඔළුව අස්සේ දුවන එක නවත්තපන්. ඒ වෙනුවට, "මේක තවත් එක ප්‍රශ්නයක් විතරයි, ඕකට මං ලැහැස්තියි" කියලා මයින්ඩ් එකට රියල් සිග්නල් දීපන්.

3️⃣ ඇත්ත (Reality) එක්ක රණ්ඩු කරන්න එපා! 🛡️

වැරදෙන්න තියෙන දේ වැරදිලා ඉවරයි, එකෙක් උඹේ සල්ලිවලට කෙළවලා ඉවරයි. දැන් ඒක ගැන "අයියෝ ඒක එහෙම වුණේ ඇයි, මටමයි මෙහෙම වෙන්නේ" කියා කියා අතීතය එක්ක රණ්ඩු වෙන්න කාලය නාස්ති කරන්න එපා. වෙච්ච දේ "රැඩිකල්" විදියට බාරගනින්. බාරගෙන "ඊළඟ තත්පරේ මං කරන්නේ මොකක්ද?" කියන එක ගැන විතරක් හිතපන්. වැටුණු වළේ සාලයෝ බාන්න යන්න එපා.

4️⃣ රිඇක්ට් (React) කරන්න කලින් "පොඩි බෆර් එකක්" තියාගනින්! 🛑

හිත පිරිලා, කේන්තිය හෝ දුක උපරිමෙටම තියෙන වෙලාවක ලයිෆ් එකේ කිසිම තීරණයක් ගන්න, මැසෙජ් එකක් ටයිප් කරන්න, නැත්නම් පාරේ ඉන්න එකෙක් එක්ක බහින්බස් වෙන්න යන්න එපා. පොඩ්ඩක් පස්සට වෙයන්. විනාඩි 5ක් හුස්ම ගනින්. උඹේ බුද්ධියට උඹේ හැඟීම් අභිබවා යන්න පොඩි වෙලාවක් දීපන්. ක්ෂණිකව රිඇක්ට් කරන එකා හැමදාම අන්තිමට පසුතැවෙනවා.

5️⃣ එක එකාගේ "සහතික" (Validation) හිඟාකන්න එපා! 👑

ලෝකේ තියෙන ලොකුම මානසික වහල්කම තමයි අනුන්ගේ වර්ණනාවලින් තමන්ගේ වටිනාකම මැනගන්න එක. එකෙක් උඹට "උඹ පොරක්" කිව්වම උඹ උඩ යනවා නම්, ඌම උඹට "චාටර්" කියද්දී උඹ බිමටම වැටෙනවා. උඹේ ජීවිතේ රිමෝට් එක අනුන්ගේ අතට දෙන්න එපා. උඹේ වටිනාකම තීරණය වෙන්නේ උඹේ චරිතය (Character) සහ උඹේ දක්ෂතාවය මත මිසක්, පාරේ යන එකෙක්ගේ ලාභ මතයක් මත නෙවෙයි!

6️⃣ උඹට පාලනය කරන්න පුළුවන් දේ විතරක් පාලනය කරපන්! 🎮

උඹේ ආකල්පය, උඹේ උත්සාහය, උඹේ තීරණ, උදේට ඇඳෙන් නැගිටින වෙලාව සහ උඹේ ක්‍රියාවන් විතරයි උඹේ අතේ තියෙන්නේ. අනිත් උන් හිතන දේ, උන් කරන කුහකකම් හෝ රටේ ආර්ථිකය උඹට තනිවම පාලනය කරන්න බෑ. නොලැබෙන දේවල් සහ අනුන්ගේ ඔළු පාලනය කරන්න ගිහින් ලේ පුච්චගන්නේ නැතුව, උඹේ වැඩේ විතරක් තිතට කරපන්.

7️⃣ ඇඟ සවුත්තු නම් මයින්ඩ් එකත් සවුත්තුයි! 🪫

කම්මැලි කමේ දවසම ඇඳට වෙලා ෆෝන් එක ඔබන, කුණු කෑම කන, ව්‍යායාම කරන්නේ නැති එකෙක්ගේ මොළය පට්ටම දුර්වලයි. උන්ට පොඩි ප්‍රෙෂර් එකක්, බැනුමක් ආපු ගමන් මැන්ටල් ඩවුන් වෙනවා. හොඳ නින්දක්, පට්ට වර්කවුට් එකක්, සෞඛ්‍ය සම්පන්න කෑමක් උඹේ මයින්ඩ් එක යකඩයක් වගේ ශක්තිමත් කරනවා. Physical discipline leads to emotional resilience!

8️⃣ පීඩනය (Pressure) කියන්නේ උඹේ "ට්‍රේනිං" එකක්! ⚔️

ලයිෆ් එක උඹට තදින්ම නෙලනවා නම්, ප්‍රශ්න පිට ප්‍රශ්න එනවා නම්, ඒකෙන් අදහස් කරන්නේ උඹව ඊළඟ ලෙවල් එකට වර්ධනය කරන්න ලෝකය උඹෙන් ඉල්ලනවා කියන එකයි. සැපපහසු AC කාමර අස්සේ ගුලි වෙලා ඉඳන් කිසිම එකෙක් "කිං" කෙනෙක් වෙලා නෑ. හැම වීරයෙක්ම හැදුණේ යුධ පිටියේ පීඩනය සහ කට්ට අස්සෙයි. ප්‍රෙෂර් එක එද්දී පැනලා යන්න එපා, ඒකට මුහුණ දීලා ශක්තිමත් වෙයන්.

9️⃣ අනුන්ගේ මානසික කුණු උඹේ ඇඟට දාගන්න එපා! 🤮

මිනිස්සු කේන්තියෙන්, කුහකකමෙන් හෝ නෙගටිව් විදියට උඹේ ඉස්සරහා හැසිරෙද්දී මතක තියාගනින්... ඒ කුණු අයිති උන්ට මිසක් උඹට නෙවෙයි. පාරේ යන බල්ලෙක් බුරන හැම පාරම ඌත් එක්ක හපාකන්න යන්න එපා. උන්ගේ මානසික ලෙඩවලට උඹ බෙහෙත් බොන්න, උඹේ දවස අප්සට් කරගන්න යන්න එපා. නිහඬව අහක බලාගෙන පලයන්.

🔟 නරකම දේට ලැහැස්ති වෙයන් – හැබැයි ඒක අස්සේ ජීවත් වෙන්න එපා! 🎯

උඹේ ඔළුවට අනාගතය ගැන බයක් ආවොත්, ඒකෙන් කෙලින්ම ප්‍රශ්න කරපන්: "හරි, නරකම දේ වුණොත් මං මොකද කරන්නේ?" කියලා. ඒකට ප්ලෑන් එකක් (Plan 😎 සහ විසඳුමක් කලින්ම හදාගත්ත ගමන්, උඹේ හිතේ තියෙන බය නිකන්ම දියවෙලා යනවා. ප්ලෑන් එක හැදුවට පස්සේ ආයේ ඒ බය අස්සේ ලතවෙවී ඉන්නේ නැතුව වැඩේට බැහැපන්.

11️⃣ හැම මඟුලම තාවකාලිකයි කියලා මතක තියාගනින්! ⏳

ලෝකේ කිසිම හැඟීමක් සදාකාලික නැහැ මචං. උඹ අද විඳින ඇන්සයිටි එක, කේන්තිය, දරුණුම දුක... ඔය හැම කුණාටුවක්ම වෙලාව ආවම පාස් වෙලා යනවා. මීට කලිනුත් උඹට ඔහොම හිතුණා, හැබැයි අද උඹ ඒවාවලින් බේරිලා ඉන්නවා. උඹ කරන්න ඕනේ මේ කුණාටුව අස්සේ නොසැලී, කෙලින් හිටගෙන ඉන්න එක විතරයි. This too shall pass!

12️⃣ වර්තමාන මොහොතේ විතරක් ජීවත් වෙයන්! 🧘‍♂️

ගොඩක් උන් මානසිකව විඳවන්නේ අතීතයේ වුණු වැරදීම් ගැන හිතලා ලතවෙවී, නැත්නම් අනාගතයේ වෙයි කියලා හිතන බයවල් හින්දා. අතීතය ඉවරයි, ඒක වෙනස් කරන්න බෑ. අනාගතය තවම ඇවිත් නෑ, ඒක උඹේ අතේ නෑ. සාමය සහ සැබෑ පවර් එක තියෙන්නේ මේ "තත්පරය" ඇතුලේ විතරයි. දැන් කරන්න තියෙන වැඩේ උපරිමයෙන් කරපන්.

🧠 මතක තියාගනින්:

උඹ කොච්චර සල්ලි හෙව්වත්, ඉන්ස්ටග්‍රෑම් එකේ "Bio" එකට මොන ටෝක් එක දාලා පොරක් වෙන්න හැදුවත්... හැම පොඩි දේටම පැනික් වෙලා, එකෙක් මැසෙජ් එකක් රිප්ලයි නොකලාම හෝ බිස්නස් එකක ප්‍රශ්නයක් ආපුවහම අඬා වදෙනවා නම්, උඹ තවමත් "කටින් විතරක් බ්‍රෑන්ඩඩ්, හැසිරීමෙන් සවුත්තු" ඩයල් එකක් විතරයි මචං!

🫵සැබෑ ශක්තිය තියෙන්නේ කුණාටුව පාලනය කරන එක ඇතුලේ නෙවෙයි... මුළු වටපිටාවම පිස්සුවෙන් වගේ රිඇක්ට් කරද්දී, උඹ තමන්ගේ ඇතුලාන්තයෙන් නොසැලී, "කූල්" එකේ, නිශ්චලව ඉන්න එක ඇතුලෙයි!

පොඩ්ඩක් හිතලා බලපන්... උඹේ ජීවිතේ රිමෝට් එක තවමත් තියෙන්නේ උඹේ අතේද, නැත්නම් පාරේ යන උන්ගේ අතේද? දැන්වත් හැදියන්! 👑🔥

#motivation #fyp #life #viral #fypシ゚viralシ #සුචරිත

 කවුරු හරි අපේ හිත රිද්දුවාම අපිටත් මුලින්ම හිතෙන්නේ "ඒකට හරියන්න එයාටත් රිද්දන්න ඕනේ" කියලා. ඒක සාමාන්‍ය මනුෂ්‍ය ස්වභාවය. හැබැයි ඇත්තම දක්ෂකම තියෙන්නේ ඒ හැඟීමට වහල් වෙලා පෙරළා රිද්දන්න යන එකේ නෙවෙයි. නිහඬවම එතනින් ඉවත් වෙන එකේ.

🍃 ඇයි අපි පළිගන්නේ නැතුව ඉන්න ඕනේ?

~ අපේ හිතේ නිදහස වෙනුවෙන්.

අපි තව කෙනෙක්ගෙන් පළිගන්න ප්ලෑන් කරන හැම තත්පරයකම පිච්චෙන්නේ අපේම හිත. ඒ වෛරය අත්හැරලා දාපු ගමන් හිතට දැනෙන්නේ පුදුමාකාර සැහැල්ලුවක්.

~ අපේ වටිනා කාලය ඉතිරි කරගන්න.

අපිට රිද්දපු කෙනෙක් වෙනුවෙන් අපේ කාලය, ශක්තිය නාස්ති කරන එක තේරුමක් නෑ. ඒ වෙනුවට ඒ කාලය අපේ දියුණුව වෙනුවෙන් යොදවන එක තමයි බුද්ධිමත්කම.

~ ඔවුන්ට දෙන්න පුළුවන් ලොකුම දඬුවම.

අපිට රිද්දපු අය බලාපොරොත්තු වෙන්නේ අපි ඇඬුවා, වැටුණා, කේන්ති ගත්තා දකින්නයි. හැබැයි අපි කිසිම දේකින් සැලෙන්නේ නැතුව, හිනාවෙලා, අපේ ගමන සාර්ථකව යනකොට ඒක තමයි ඔවුන්ට දකින්න ලැබෙන අමාරුම දඬුවම.

~ හැමදේම සොබාදහමට බාර දෙන්න.

අපි කාගෙන්වත් පළිගන්න මහන්සි වෙන්න ඕනේ නෑ. වැරදි කරන අයට, ඔවුන් කරපු දේවල ප්‍රතිඵල සොබාදහමෙන් හෝ කර්මයෙන් නියම වෙලාවට ලැබෙනවා. ඒක විශ්ව නීතියක්.

"තව කෙනෙක්ව බිම වට්ටන්න හදන එක නෙවෙයි ශක්තිමත්කම, කවුරු මොනවා කරත් තමන්ගේ වටිනාකම රැකගෙන සතුටින් ජීවත් වෙන එකයි."

කෙටියෙන්ම කිව්වොත්...✨️

අපිට රිද්දපු අයට දෙන්න පුළුවන් දරුණුම පළිගැනීම, ඔවුන්ව ගණන් ගන්නේ නැතුව, ඔවුන්ට සමාව දීලා, අපි අපේ ජීවිතේ මීට වඩා ලස්සනට සහ සාර්ථකව ජීවත් වෙලා පෙන්වන එකයි. ඒකෙන් අපේ වටිනාකම තවත් වැඩි වෙනවා මිසක් අඩු වෙන්නේ නැහැ.

#amaarachchige